ޗިލީގެ ކޮންޒަރވެޓިވް ސަގާފަތް ބަދަލުކޮށްލުމަށް ފާއިތުވި ތިން އަހަރު ދުވަހު ބަހުސް ކޮށް އެކުލަވާލި ގާނޫނުއަސާސީއަށް ޗިލީގެ ރައްޔިތުން ވަނީ ނޫނެކޭ ބުނެފައެވެ.
ޗިލީގެ އައު ގާނޫނުއަސާސީއާ ބެހޭ ގޮތުން އިތުރަށް ކިޔާލުމަށް
ގާތްގަނޑަކަށް މިހާރު ވަނީ ހުރިހާ ވޯޓު ކަރުދާހެއް ގުނާ ނިމިފައެވެ. ވޯތްލާ މީހުންގެ 62 ޕަސެންޓް މީހުން ވަނީ އައު ގާނޫނުއަސާސީއަށް ނޫނެކޭ ބުނެފައެވެ.
މި ނޫނެކޭ ބުނުމަކީ 19 މިލިއަން މީހުންގެ އާބާދީއަށް ސިޔާސީ އިންގިލާބެއް އަންނާނެ ކަމަށް ވައުދުވެ ދިގު ދެމިގެން ދިޔަ މުޒާހަރާތައް ނިމުމަކަށް ގެނައުމަށް އެކުލަވާލި ގާނޫނު އަސާސީ ޑްރާފްޓް ކުރި މަޖިލީހުގެ އިންތިޚާބާވެސް މުޅިން ފުށުއަރާފަދަ ނިންމުމެކެވެ.
އެއާއެކު ދެން ޗިލީއަށް އޮންނާނީ 1973 އިން 1990 އަށް ވެރިކަން ކުރެއްވި ޖެނެރަލް އޮގަސްޓޯ ޕިނޯޗޭގެ އަނިޔާވެރި ހުދުމުހުތާރު ވެރިކަމުގައި އެކުލަވާލާފައިވާ ގާނޫނީ ނިޒާމެވެ. އަދި އެއާއެކު ޗިލީގެ އައު ރައީސްގެ މަގްބޫލުކަން އިތުރަށް ދަށަށް ދާނެކަމަށް ބެލެވެއެވެ.
