ރާނީ އެލިޒަބަތުގެ މާމުއި ކުޅަދުރުތަކަށްވެސް އެކަމަނާ އަވަހާރަވިކަން އަންގައިފިއެވެ. ޝާހީ މާމުއި ގެންގުޅޭ މީހާ ވަނީ ބަކިންހަމް ޕެލަސް އާއި ކްލެރެންސް ހައުސްގެ ގޯތިތެރޭގައި ބަހައްޓާފައިވާ މާމުއި ކުޅަދުރުގެ ހަތާތަކަށް ރާނީ އަވަހާރަވިކަމުގެ މައުލޫމާތު ދީފައެވެ.
މީހުންނަށް ޖޯކަކަށް ވެފައިވާ މިކަމަކީ، އެތައް ގަރުނެއް ވަންދެން ދެމިއޮތް ސިއްރު ސަގާފަތެކެވެ.
ކުޅަދުރު ގެންގުޅޭ މީހާ ވަނީ ސިއްރު ސިއްރުން ހަތާތައް ކައިރީގައި ރާނީ އަވަހާރަވިކަމަށް އިއްވާފައެވެ. އަދި މާމުއި ކުޅަދުތަކަށް ވެސް ވަނީ، މަޑުމައިތިރި ރާގުތަކެއްގައި، އެމީހުންގެ އާ ވެރިޔާއަކީ މިހާރުގެ ރަސްގެފާނު ޗާލްސް ތިންވަނަ ކަމަށް ބަލައިގެންފައެވެ. އެކަމުގެ އިތުރު ތަފްސީލަކީވެސް ސިއްރެކެވެ.
ގަނޑުވަރުގެ ރަސްމީ ބީކީޕަރު ޖޯން ޗެޕްލް، 79، މީޑިއާގައި ބުނެފައި ވަނީ ރާނީ އަވަހާރަވި ޚަބަރާއެކު ދެ ގަނޑުރަށްވެސް ދަތުރުކޮށް އެ ޚަބަރު ކުޅަދުރުތަކަށް ދީފައިވާނެ ކަމަށެވެ.
އެތައް ލައްކަ މާމުއި ކުޅަދުރު ދިރިއުޅޭ ހަތާތަކުގައި ހިތާމަ ފާޅުކުރުމަށް ވަނީ ކަޅު ރިބަން އައްސާފައެވެ. ޗެޕްލް ވަނީ ކުޅަދުރުތަކަށް އައު ރަސްގެފާނަށް ކިޔަމަން ގަތުމަށްވެސް އިލްތިމާސް ކޮށްފައެވެ.
ބުނެވޭ ގޮތުގައި އެސޮރުމެންގެ ވެރިމީހާ އަވަހާރަވިކަން ނައަންގައިފިނަމަ އެސޮރުމެން މާމުއި އުފެއްދުން ހުޓާލަފާނެއެވެ!
