ހދ. ކުޅުދުއްފުށީ އޯޕީޑީ އިމާރާތު ބޮޑުބައެއް ނިމިއްޖެ ކަމަށް އެ މަސައްކަތް ކުރަމުންދާ އެމްޓީސީސީންް ބުނެފިއެވެ. އެކުންފުނީން ބުނެފައިވަނީ އެމަސައްކަތުގެ 64 ޕަސެންޓް ނިމިފައިވާކަމަށެވެ.
އޭގެ އިތުރުން ޕޮއިންޓް ވަޔަރިންގ، ފިޓިންގްސް، މޭސަނަރީ އާއި ޕްލާސްޓަރިންގ މަސައްކަތްތައް ވެސް ވަނީ ނިމިފައި ކަމަށް އެކުންފުނީން ވަނީ ބުނެފައެވެ.
މި މަޝްރޫޢުގެ ދަށުން، އޯޕީޑީ އިމާރާތަކާއި، ވޯރޑް އިމާރާތަކާއި، އައި.ސީ.ޔޫ ޔުނިޓަކާއި ލެބޯރެޓަރީ އިމާރާތެއް އެޅުމަށް ވަނީ ހަމަޖެހިފައެވެ.
މި މަޝްރޫޢަކީ 30.3 މިލިއަން ރުފިޔާގެ މަޝްރޫއެކެވެ.
