އެކި މައްސަލަތަކުގައި ފުލުހުންގެ ބެލުމުގެ ދަށަށް ގެނެސްފައިވާ ބައެއް ތަކެތީގެ ވެރިފަރާތް ހޯދުމުގެ މަސައްކަތް ކުރަމުންދާކަމަށް ފުލުހުހުންގެ އިދާރާއިން މައުލޫމާތު ދީފިއެވެ.
އެއީ ހޮވައިގެން ގެނެސް ފުލުހުންނާ ހަވާލުކޮށްފައިވާ ތަކެއްޗާއި، ތުހުމަތު ކުރެވިގެން ހުއްޓުވައި ސުވާލުކުރި ބައެއް މީހުންގެ އަތުން ފެނިފައިވާ ތަކެއްޗެވެ. އަދި އެ ތަކެތީގެ ވެރިފަރާތް އެ މީހުންނަށް ބުނެދެވިފައި ނުވާތީ އެ ތަކެތި ވަނީ ފުލުހުންގެ ބެލުމުގެ ދަށަށް ގެނެސްފައިކަމަށް އެ އިދާރާއިން މައުލޫމާތު ދެއްވިއެވެ.
ގަލޮޅު ޕޮލިސް ސްޓޭޝަނުގައި ހުރި ތަކެތި:
ސެޕްޓެމްބަރ 8 ވަނަ ދުވަހު މެދުޒިޔާރަތް މަގުން ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުން ފެނިފައިވާ ވަގަށް ނަގާފައިވާ ކަމަށް ބެލެވޭ ދޫނި ކޮއްޓެއް. އިންސިޑެންޓް ނަންބަރ 533445
ސެޕްޓެމްބަރ 15 ވަނަ ދުވަހު ސިއްކަ ގޯޅިން ފެނިފައިވާ ވެރިއަކުނެތް ކެމެރާ ސްޓޭންޑަކާއި ކެމެރާ ހަތަރު ލައިޓާއި އޭގެ ސްޓޭންޑް. އިންސިޑެންޓް ނަންބަރ 534233
ސެޕްޓެމްބަރ 15 ވަނަ ދުވަހު ޓެކްސީއަކުން ފެނިފައިވާ ވެރިއަކުނެތް އިންކޯ ބްރޭންޑުގެ ބުރުމާއެއް. އިންސިޑެންޓް ނަންބަރ 534259
ސެޕްޓެމްބަރ 17 ވަނަ ދުވަހު ބޮޑުތަކުރުފާނު މަގު، ހުސައިން އާދަމް ބިލްޑިންގ ކައިރިން އާންމު ފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ އިއަރ ބަޑެއް. އިންސިޑެންޓް ނަންބަރ 534382
ސެޕްޓެމްބަރ 20 ވަނަ ދުވަހު އެއް ނަމްބަރު ފާލަން ކައިރިން ފެނިފައިވާ ސާމާނުތަކެއް އަޅާފައިހުރި ވެރިއަކުނެތް ކޮތަޅެއް. އިންސިޑެންޓް ނަންބަރ 5334690
މި ތަކެތީގެ ވެރިފަރާތުން 9631696 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށް މޯލްޑިވްސް ޕޮލިސް ސާވިސަސްއިން އެދެއެވެ. އަދި މިތަކެތީގެ ވެރިފަރާތުން، ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްމަށްވެސް ފުލުހުންގެ އިދާރާއިން އަންގައެވެ.
މާފަންނު ޕޮލިސް ސްޓޭޝަނުގައި ހުރި ތަކެތި:
ސެޕްޓެމްބަރ 9 ވަނަ ދުވަހު ވައްކަމުގެ ތުހުމަތުގައި ފުލުހުންގެ ބެލުމުގެ ދަށަށް ގެނައި މީހެއްގެ އަތުން ފެނިފައިވާ ވަގަށް ނަގާފައިވާކަމަށް ބެލެވޭ ދެ ދަޅު ކޮފީ (ނެސްކެފޭ ބޮޑު ދަޅު). އިންސިޑެންޓް ނަންބަރ 533590
ސެޕްޓެމްބަރ 18 ވަނަ ދުވަހު އާންމު ފަރާތަކުން މަގުމަތިން ހޮވައިގެން ގެނެސް ފުލުހުންނާ ހަވާލުކޮށްފައިވާ ފައިސާތަކެއް. އިންސިޑެންޓް ނަންބަރ 534448
ސެޕްޓެމްބަރ 19 ވަނަ ދުވަހު އިންޑަސްޓްރިއަލް ޒޯން ތެރެއިން ހޮވައިގެން ގެނެސް ފުލުހުންނާ ހަވާލުކޮށްފައިވާ ޕިކަޕު ބެޓެރިއެއް. އިންސިޑެންޓް ނަންބަރ 534550
ސެޕްޓެމްބަރ 20 ވަނަ ދުވަހު ފިނޭންސް މިނިސްޓްރީ ކައިިރިން ހޮވައިގެން ގެނެސް ފުލުހުންނާ ހަވާލުކޮށްފައިވާ 500 ރުފިޔާ. އިންސިޑެންޓް ނަންބަރ 534645
މި ތަކެތީގެ ވެރިފަރާތުން 9660183 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށް މޯލްޑިވްސް ޕޮލިސް ސާވިސަސްއިން އެދެއެވެ. އަދި މިތަކެތީގެ ވެރިފަރާތުން، ކާކުކަން އެނގޭނެ ލިޔުމަކާއެކު މާފަންނު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްމަށްވެސް ފުލުހުންގެ އިދާރާއިން އަންގައެވެ.
