ފީނަން އުޅުނު ރަޝިޔާގެ އަންހެން ފަތުރުވެެރިއެއްގެ ގައިގައި ލޯންޗަކުންޖެހި އެމީހާއަށް އަނިޔާވެ ފަރުވާދޭން ފަށައިފިއެވެ.
މި ހާދިސާ ހިނގާފައިވަނީ މިއަދު ހަވީރުގެ ވަގުތެއްގައި އއ. ތޮއްޑޫ ގައެވެ. ފުލުހުން ވިދާޅުވީ މިހާދިސާގެ މައުލޫމާތު ލިބިފައިވަނީ މިއަދު ހަވީރު 5:15 އެހައިންކަހާއިރު ކަމަށެވެ.
އޭނާއަށް ލިބިފައިވާ އަނިޔާގެ ތަފްސީލެއް ފުލުހުން ވެސް ހާމަކޮށްފައެއް ނުވެއެވެ. އެހެންނަމަވެސް އެމީހާ މާލެ ގެނެސްފައިވާ ކަމަށް ފުލުހުންވަނީ ވިދާޅުވެފައެވެ. މައުލޫމާތު ލިބިފައިވާ ގޮތުގައި ފަތުރުވެރިޔާގެ ފަޔަށް ވަރަށްބޮޑަށް ގެއްލުން ވަނީ ލިބިފައެވެ. އޭގެ އިތުން ބުރިކަށްޓަށާއި އަތަށް ވެސް އަނިޔާ ވެފައިވެއެވެ.
މިހާދިސާ ހިންގަން މެދުވެރިވި ސާބަބެއް އަދިވެސް އެނގިފައެއް ނުވެއެވެ.
