ފަލަސްޠީނުގެ ރެފިއުޖީންނާ ބެހޭ އިދާރާ އޮންރުވާއިން 75 އަހަރު ވަންދެން ބަލަހައްޓަމުން ދިޔަ، ރެކޯޑްތައް އިޒްރޭލު ސިފައިން އަތު ނުޖެހޭ ގޮތަށް ސިއްރުތަނަކަށް ބަދަލުކޮށް ފޮރުވާފައިވާ ކަމަށް އޮންރުވާއިން ބުނފިއެވެ.
އޮންރުވާގެ ކޮމިޝަނަރު ޖެނެރަލް ފިލިޕް ލަޒާރީނީ ވިދާޅުވީ ފަލަސްތީނުގެ ރެފިއުޖީ އާއިލާތަކުގެ ރެކޯޑްތައް ވޭތުވެދިޔަ 75 އަހަރު ރައްކާކޮށް އޮންރުވާއިން އަރުޝީފްކޮށްފައިވާ ކަމަށެވެ.
އޭނާ ވިދާޅުވެފައި ވަނީ އޮންރުވާގެ ޓީމުތަކުން ޣައްޒާ އާއި ހުޅަނގު އައްސޭރިން އެތައް ހާސް އަރުޝީފް ފައިލްތަކެއް ރައްކާތެރި ތަނަކަށް ބަދަލުކޮށް މިހާރު އެތަކެތި ޑިޖިޓަލް ފައިލްތަކަށް ބަދަލުކޮށްފައިވާ ކަމަށެވެ.
މި ފައިލްތައް ރައްކާތެރިކުރުމަކީ ބައިނަލްއަގްވާމީ ގާނޫނުތަކުގެ ދަށުން ފަލަސްތީނުގެ ރެފިއުޖީންގެ ހައްގުތައް ހިމާޔަތްކުރުމަށް ކޮންމެހެން ބޭނުންތެރި ކަމެއް ކަމަށް ވިދާޅުވިއެވެ.
އޭނާ ވިދާޅުވީ އޮންރުވާއަކީ ފަލަސްތީނުގެ ރެފިއުޖީންގެ އައިޑެންޓިޓީއާއި ތާރީހުގެ އަމާނާތްތެރި ބެލެނިވެރިޔާ ކަމަށެވެ.
