ލޮސް އެންޖެލިސްގެ އެންމެ މުއްސަނދި މީހުން މިހާރު ތިބީ ރެފިއުޖީންގެ ގޮތުގައެވެ. މި މީހުން އެންމެން ބޯހިޔާވަހިކަން ހޯދާފައި ވަނީ، ބެވެލީ ހިލްސްގެ އެންމެ މަޝްހޫރު އެއް ލޭންޑްމާކް ކަމަށްވާ "ޕިންކް ޕެލަސް" ގެ ނަމުން މަޝްހޫރު ބެވަލީ ހިލްސް ހޮޓަލުގައެވެ.
ހޮޓަލުގެ ލޮބީއަކީ ކުރިން ޑިޒައިނާ ބޭގްތައް ފެންނަ ތަނެއްކަމުގައިވިއަސް މިހާރު ފެންނަނީ ނިދާ ހެދުމުގައި ބިކަ ހާލުގައި ތިބި ސްޓާރުން އެމީހުންގެ ގެތަކުން އަތު ޖެހުނު އެއްޗަކާގެން ޖާނާގެން ސަލާމަތްވި އިރު ގެނައި ލޯންޑްރީ ބޭގްތައް ކަމަށް އިނގިރޭސި ޓެލެގްރާފް ނޫހުން ބުނެއެވެ.
ލޮސް އެންޖެލިސްގައި ހިނގާ އަލިފާނުގެ ކާރިސާގައި 130،000 މީހުން ގެދޮރު ދޫކޮށް ދާން މަޖުބުރުވެފައި ވެއެވެ. އަދި 11 މީހަކު މަރުވެ އެތައް ބަޔަކު ވީނުވީއެއް ނޭނގި ގެއްލިފައި ވެއެވެ.
ލޮސް އެންޖެލިސްގެ ތާރީޚުގައި ދިމާވި އެންމެ ބޮޑު އަލިފާނުގެ ކާރިސާއާ ގުޅިގެން ރައްޔިތުން ވަނީ ކަމާބެހޭ ފަރާތްތަކަށް އަލިފާންގަނޑު ކޮންޓްރޯލު ނުކުރެވުމުން އެކަމަށް ފާޑު ކިޔާފައެވެ.
މި ކާރިސާގައި 10،000 އަށް ވުރެ ގިނަ އިމާރާތް އަނދައިގެން ގޮސްފައި ވެއެވެ.
ބައެއް ވަގުތުތަކުގައި ގަޑިއަކު 160 ކިލޯމީޓަރުގެ ބާރުމިނުގައި ޖެހެމުންދާ ވަޔާއެކު ކަނިތައް ބުރައިގެން ގޮސް، އެހެން ސަރަހައްދުތަކަށްވެސް އަލިފާން ފެތުރެން ފަށާފައި ވެއެވެ.
އިޒްރޭލަށާއި ޔުކްރެއިނަށް ހަނގުރާމައިގެ ޖަރީމާތައް ހިންގަން ބިލިއަން ޑޮލަރުން ފައިސޭ ގައުމަށް އަމިއްލަ ރައްޔިތުން ހިމާޔަތް ނުކުރެވޭ ކަމަށް ބުނެ މީސްމީޑިއާގައި މީޙުން ދަނީ އެމެރިކާގެ މަސްއޫލުވެރިންނަށް ފާޑު ކިޔަމުންނެވެ.
