މާލޭގެ ގެއަކުން ދުން އަރާތީ ސަލާމަތީ ބާރުތަކުން ގޮސް ބެލިއިރު ބަނގުރާ ކައްކާ ސާމާނާއި އެކު ބަނގުރާކައްކަނިކޮށް ފެނިއްޖެ އެވެ.
ފުލުހުން ދާދި ދެންމެ ބުނީ ހެންވޭރު ރޯޝަނީ މަގުގައި ހުރި ގެއަކުން ދުން އަރާ ކަމުގެ މައުލޫމާތު މިއަދު ހެނދުނު 06:12 ހާއިރު، ލިބުމުން އެމްއެންޑީއެފާއި ފުލުހުން އެ ގެއަށް ގޮސް ދޮރުގައި ތެޅުމުން ދޮރު ނުހުޅުވިކަމަށެވެ.
އެހެންކަމުން ބާރުގެ ބޭނުންކޮށްގެން އެ ގެއަށް ވަނުމުން، ގޭތެރެއިން ދުން އަރަމުންދިޔައީ ބަނގުރާ ކައްކަމުންދާތީކަން އެނގުނު ކަމަށް ފުލުހުން ބުންޏެވެ. އަދި ބަނގުރާ ކެއްކުމަށް ބޭނުންކުރާ ގިނަ ސާމާނުތަކެއް އެ ގޭތެރެއިން ފެނުނު ކަމަށްވެސް ބުންޏެވެ.
އެހެންނަމަވެސް މި އޮޕަރޭޝަނުގައި މިހައިތަނަށް މީހަކު ހައްޔަރުކުރި ކަމެއް ނުވަތަ ނޫންކަމެއް ފުލުހުން ނުބުނެއެވެ. އަދިވެސް ފުލުހުން ދަނީ އެ ސަރަޙައްދުގައި ހަރަކާތްތެރިވަމުން ކަމަށްވެސް ބުންޏެވެ.
