ކިޔަވައިދޭ އިދާރާތަކުގައި ބުރުގާ އެޅުމާ ބެހޭ ގޮތުން ހުށަހެޅި އިސްތިއުނާފީ މައްސަލަ ބެލުމަށް އިންޑިއާގެ ސުޕްރީމް ކޯޓުން އެކުލަވާލި ޕެނަލަށް މައްސަލައިގައި ގޮތެއް ނުނިންމި އިންޑިއާގެ އުއްތަމަ ފަނޑިޔާރަށް މައްސަލަ އުފުލައިފިއެވެ.
ސްކޫލްތަކުގައި ޙިޖާބު އެޅުން މަނާކުރުމާ ގުޅޭ ގޮތުން ހުކުމް ނާކާމިޔާބުވީ ޕެނަލްގައި ތިއްބެވި ދެ ފަނޑިޔާރުން ދެ ރައުޔެއް ދެއްވުމުންނެވެ.
ނިޔާކަނޑައެޅުމަށް ހުށަހެޅުނު މައްސަލައަކީ ފެބްރުއަރީ މަހު ކަރްނާޓަކާ ސްޓޭޓްގެ ސްކޫލްތަކުގައި ބުރުގާއެޅުން މަނާކުރުމުން މުސްލިމް ދަރިވަރުންނާއި އެ ދަރިވަރުންގެ ބެލެނިވެރިން ވަނ މުޒާހަރާކޮށްފަ އެވެ. އޭގެ ރައްދުގައި ހިންދޫ ދަރިވަރުން ވަނީ މުޒާހަރާތައް ބާއްވައި ދޯތީލައިގެން ކުލާހަށް ހާޒިރުވެފައެވެ.
ސުޕްރިމް ކޯޓުގެ ޕެނަލްގައި ހިމެނިވަޑައިގެންނެވި ދެ ފަނޑިޔާރުންގެ ތެރެއިން ސުޕްރީމް ކޯޓުގެ ފަނޑިޔާރު ހެމަންތު ގުޕްތާ ވިދާޅުވީ ޚިޔާލު ދެކަފިވެ އެއްބަސްވުމަކަށް އާދެވިފައި ނުވާ ކަމަށެވެ.
ގުޕްތާ ވިދާޅުވީ ބުރުގާ އެޅުން މަނާކުރުމާ ދެކޮޅަށް އިސްތިއުނާފު ކުރި މައްސަލަ ބާތިލް ކުރަން އޭނާ ބޭނުންވި ކަމަށާއި ނަމަވެސް ޕެނަލްގައި ހިމެނިވަޑައިގަތް އަނެއް ފަނޑިޔާރު ސުދާންޝޫ ދުލިއާ ދެކެވަޑައިގަތީ ބުރުގާ އެޅުމަކީ "އިޚްތިޔާރީ ކަމެއްގެ ގޮތުގައި ބާއްވަން ޖެހޭ ކަމެއް" ކަމަށެވެ.
ދެ ބޭފުޅުން ޚިޔާލު ތަފާތުވެ ވަޑައިގަތުމުން އެ މައްސަލަ އިތުރަށް ބެލުމަށް އުއްތަމަ ފަނޑިޔާރު ބޮޑު ބެންޗެއް އެކުލަވާ ލައްވާނެ ކަމަށް އެބޭފުޅުން ވިދާޅުވި އެވެ. ނަމަވެސް އެ މައްސަލަ ދެން އޮންނާނެ ދުވަހެއް ސާފެއް ނުވެއެވެ.
