ބޭރަށް ހިންގާއިރު އޯއާރުއެސް ނުވަތަ އޯރަލް ރީހައިޑްރޭޝަން އެންމެވސް ދަންނާނެއެވެ. ނަމަވެސް އެ ފަރުވާ އީޖާދު ކުރި ޑޮކްޓަރު އެ ފަރުވާއާ އެއްވަރުގެ މަޝްހުރުކަމެއް ހޯދާފައެއް ނުވެއެވެ.
ޑރ ދިލިޕް މަހާލަނަބިސް އަވަހާރަވީ މި މަހުގެ 16 ވަނަ ދުވަހު އިއްޔެ ކޮލްކަތާގެ ހޮސްޕިޓަލެއްގައެވެ. ޕްރެސް ޓްރަސްޓް އޮފް އިންޑިއާއިން ރިޕޯޓްކޮށްފައިވާ ގޮތުގައި ޑރ މަހާލަނަބިސް، އުމުރުން 87 އަހަރުގައި އަވަހާރަވީ ފުއްޕާމޭގެ އިންފެކްޝަން އާއި މުސްކުޅި ބައްޔާ ގުޅުން ހުރި އެހެން ބަލިތަކެއްގައެވެ.
ޑރ މަހާލަނަބިސް، އޯއާރްއެސް އީޖާދު ކުރީ 1971ގައި ޕާކިސްތާނުން ބަންގްލަދޭޝްގައި ހިންގި ގަތުލުއާންމުގެ ހަނގުރާމައިގެ މައިދާނުގައި އޭނާ މީހުންނަށް ފަރުވާ ދޭން އުޅުމުގެ ތެރޭގައެވެ.
ޔޫކޭގެ ލެންސެޓް ޖާނަލްއިން ބުނެފައި ވަނީ އެއީ 20 ވަނަ ގަަރުނުގެ އެންމެ އީޖާދީ އުފެއްދުން ކަމުގައެވެ.
އޭނާ ވަނީ 1975ން 1979އަށް މިސްރާއި ޔަމަނާއި އަފްޣާނިސްތާންގައި ކޮލެރާ ކޮންޓްރޯލު ކުރުމުގެ މަސައްކަތުގައި ދުނިޔޭގެ ސިއްޙަތު ޖަމުއިއްޔާއާ ގުޅިގން މަސައްކަތް ކުރައްވާފައެވެ.
އޭނާގެ އީޖާދަށް ކޮލޮމްބިއާ ޔުނިވަސިޓީން އޭނާއަށް އެވޯޑްދީފައެވެ. އެ ޔުނިވަރސިޓީގެ ޕޮލިން ޕްރައިޒްއަކީ ކުޑަކުދިންގެ ބަލިތަކުގެ ފަރުވާގެ ދާއިރާގައި ދެވޭ އިނާމެކެވެ. އެއީ ނޯބެލްގެ އިނާމާ އެއްވަރުގެ އިނާމެކެވެ.
