މިއަހަރުގެ ސްޓެންފޯޑް ޔުނިވާސިޓީ ރޭންކިން 2022 ގައި ޕޫނޭގެ ގާތްގަނޑަކަށް 50 ތަޖުރިބާކާރުން ވަނީ ދުނިޔޭގެ އެކި ކަންކޮޅުތަކުން ހޮވާލެވުނު އެންމެ މަތީފެންވަރުގައި ހިމެނޭ 2 ޕަސެންޓް ސައިންސްވެރިންގެ ލިސްޓުގައި ހިމެނިފައެވެ.
އިންޑިއާއިން އެންމެ ގިނަ ސައިންސްވެރިން ހިމެނިފައި ވަނީ ނޭވާ ލުމުގެ ނިޒާމާ ބެހޭ ބަލިތަކުގެ ދާއިރާގައެވެ. އެ ދާއިރާއިން އިންޑިއާގެ 19 ސައިންޓިސްޓަކު ލިސްޓް ކޮށްފައި ވެއެވެ.
ސްޓެންފޯޑް ޔުނިވާސިޓީގެ ރޭންކިން 2019 ވަނަ އަހަރު ފެށިއިރު، ސައިންސްވެރިން ގިންތިކޮށްފައި ވަނީ 22 ސައިންޓިފިކް ދާއިރާއަކާއި 176 ސަބްފީލްޑަށެވެ. އާންމު ކޮށް ސައިންސްވެރިން ދެ ލިސސްޓެއްގައި ލިސްޓް ކުރެއެވެ. އެއިން އެއް ލިސްޓަކީ މިދިޔަ 25 އަހަރުގެ ޑޭޓާއަށް ބިނާ ކޮށް އެމީހެއްގެ ކެރިއަރަށް ބަލައި ލިސްޓް ކުރުމެކެވެ.
އަދި ދެވަނަ ލިސްޓަކީ މިދިޔަ އެއް އަހަރުގައި ކޮށްފައިވާ މަސައްކަތް ގިންތިކޮށް ރޭންކިން ކުރުމެވެ.
ދުނިޔޭގެ ފެންވަރުގައި 200،409 ސައިންސްވެރިން ވަނީ ދުނިޔޭގެ އެންމެ ގަދަ 2 ޕަސެންޓުގެ ތެރޭގައި ހިމެނިފއެވެ. އޭގެ ތެރެއިން އިންޑިއާގެ ހުރިހާ ދާއިރާއަކުން 3796 ސައިންސްވެރިން ގިންތި ވެފައި ވެއެވެ. އޭގައި ޕޫނޭގެ 50 ސައިންސްވެރިން ހިމެނެއެވެ.
