ކުރީގެ ބޮޑުވަޒީރު އަދި ޕީޓީއައިގެ ޗެއާމަން އިމްރާން ޚާން ވިދާޅު ވަނީ ސަރުކާރަށް އިތުރު ވަގުތުކޮޅެއް ދެއްވުމަށްޓަކައި އިސްލާމްއާބާދާ ދިމާއަށް ދިއުމަށް އޭނާއާ ސަޕޯޓަރުން ރާވާފައިވާ ހިނގާލުން އަދި ފަސްކޮށްލާނެ ކަމަށެވެ. ނަމަވެސް އޮކްޓޯބަރު މަހަށް ވުރެން އިތުރަށް ލަސް ނުކުރައްވާނެ ކަމުގެ އިންޒާރު އޭނާ ދެއްވި ކަމަށެވެ.
އިސްލާމްއާބާދުގައި ބޭއްވި ނޫސްވެރިންގެ ބައްދަލުވުމެއްގައި، ވާހަކަ ދައްކަވަމުން ކުރީގެ ބޮޑު ވަޒީރު އޭނާގެ ސިޔާސީ އިހުތިޖާޖާ ބެހޭ ގޮތުން ވާހަކަ ދެއްކެވީ އޭނާގެ ޕާޓީއަށް އެންމެ ފަހުން ބޭއްވި އިންތިޚާބުތަކުގައި ލިބުނ ކާމިޔާބީއަށް ވާދަވެރިން ސިހިފައި ވަނިކޮށެވެ.
އިމްރާން ޚާން ބޭނުންފުޅުވަނީ އަވަސް އާންމު އިންތިޚާބެއް ޕާކިސްތާންގައި ބާއްވާށެވެ. އަދި އަވަސް އިންތިޚާބަކަށް އިއުލާން ނުކޮށްފިނަމަ ސަޕޯޓަރުންނާއެކު އިސްލާމްއާބާދަށް މާޗު ކުރައްވާނެ ކަމުގައި ވިދާޅުވިއެވެ.
އޭނާ ވިދާޅުވީ ޕީޓީއައިގެ މަގްބޫލުކަން އިތުރު ވަމުންދާތީ ސަރުކާރުން ޖެހިލުން ވަނީ ކަމަށެވެ.
