ދުނިޔޭގެ ފެންވަރުގައި ފުރަތަމަ ފަހަރަށް ކޮފީ މިނިސްޓްރީއެއް އުފައްދައިފިއެވެ. ޕަޕުއާ ނިއު ގިނީގެ ބޮޑުވަޒީރު ޖޭމްސް މަރަބޭ ވަނީ އޭނާގެ ސަރުކާރުގައި ދުނިޔޭގެ އެންމެ މަޝްހޫރު ބުއިންތަކާ ބެހޭ ފުރަތަމަ މިނިސްޓްރީ އުފައްދަވާފައެވެ.
ޕަޕުއާ ނިއު ގިނީގެ އާ ކެބިނެޓުގެ ފުރަތަމަ ކޮފީ މިނިސްޓަރު ކަމަށް އައްޔަން ކޮށްފައި ވަނީ އެމްބީ ޖޯ ކޮލީ އެވެ.
އެގައުމުގައި ކޮފީ މިނިސްޓްރީ އުފެއްދުމަކީ އިގްތިސާދަށް ކޮފީގެ ދަނޑުވެރިކަމުގެ މުހިންމު ކަން ދައްކައިދޭ ކަމެކެވެ.
މިއީ ޕަޕުއާ ނިއުގިނީގައި އުފެއްދި މިފަދަ އާދަޔާ ޚިލާފް ފުރަތަމަ މިނިސްޓްރީއެއް ނޫނެވެ. އެ ގައުމުގައި ޕާމް އޮއިލް މިނިސްޓްރީ އެއް ވެސް އުފައްދާފައިވެއެވެ.
ޕަޕުއާ ނިއު ގިނީގެ ކޮފީ ބީންސް، އެމެރިކާ، ޖަޕާން އަދި އޮސްޓްރޭލިއާ ފަދަ ގައުމުތަކަށް އެކްސްޕޯޓް ކުރެ އެވެ.
