އިންޑިއާގެ ކަރްނާޓަކާ ސްޓޭޓްގައި ހިނގި އާދަޔާ ހިލާފު ހާދިސާއެއްގައި ކެމެރާތަކުގެ ކުރިމަތީގައި މިނިސްޓަރަކު އަންހެނެއްގެ މޫނުގައި ތަފާއްޔެއް ވީއްލައިލައްވައިފިއެވެ. ކަރްނާޓަކާގެ ޗާމްރަޖާޖު ނަގަރުގައި ބިން ލިބުނު މީހުންނާ ސެޓްފިކެޓް ހަވާލު ކުރުމުގެ ތެރޭގައި ބިން ނުލިބުނު އަންހެނަކު ވަޒީރު ގާތަށް ގޮސްގެން ޝަކުވާ ކުރުމުން ކެމެރާތައް ކުރި މަތީގައި ވަަޒީރު ވަނީ އެމީހާގެ މޫނު މަތީގައި ތަފާއްތެއް ހިއްޕަވާލައްވާފައެވެ.
މި ޖަރީމާ ހިންގީ ކަރްނާޓަކާގެ މިނިސްޓަރ އޮފް އިންފްރާސްޓްރަކްޗާ ޑިވެލޮޕްމަންޓް އެވެ. އޭނާ އަކީ ބީޖޭޕީގެ މެމްބަރެކެވެ.
މިހެން ކަންތައް ވިޔަސް އަންހެން މީހާ ފަހަތަށް ނުޖެހި، މިނިސްޓަރުގެ ފައިބުޑަށް ކުރީސް ކޮށް އިހުތިރާމް އަދާ ކުރިއެވެ. އިންޑިއާގެ ޗެނަލް "އެންޑީޓީވީ" އިން މި މަންޒަރު ރިޕޯޓް ކުރުމުން މީހުން ވަނީ މީސް މީޑިއާގައި ހޯއްބޯއް ލަވާފައެވެ.
ފަހުން ވަޒީރު ވަނީ އޭނާ އެވަގުތު ލޭ މައްޗަށް ގޮސްފައި ހުރީ ކަމަށް ބުނެ މައާފަށްއެދިފައެވެ.
