ކޯވިޑް ފެތުރި، ބޯހިޔާވަހިކަމުގެ ބާޒާރު ގަޑުބަޑުވެ، ލޯނުތައް ނުދެއްކި މޯގޭޖުތައް ޑިފޯލްޓް ވުމުގެ ސަބަބުން ޗައިނާ ސަރުކާރުގެ އާމްދަނީ ގެއްލެމުންދާތީ، ޗައިނާގެ ބަޖެޓް ޑެފިސިޓް މިއަހަރުގެ ފުރަތަމަ ނުވަ މަސް ދުވަހުގެ ތެރޭގައި އެންމެ މަތީ ދަރަޖައަށް އަރައިފި އެވެ.
ޗައިނާ ފިނޭންސް މިނިސްޓްރީން އާންމުކުރި މައުލޫމާތަށް ބިނާކޮށް ބްލޫމްބާގްގެ ހިސާބުތަކުން ދައްކާ ގޮތުގައި ސަރުކާރުގެ ހުރިހާ ފެންވަރެއްގެ ބަޖެޓްތަކުގައި ޑެފިސިޓް 7.16 ޓްރިލިއަން ޔުއާން (980 ބިލިއަން ޑޮލަރު) އަށް އަރާފައިވެ އެވެ. އެއީ މީގެ ކުރީގެ މުއްދަތެއްގެ ޑެފިޓާ އަޅާ ކިޔާލެވޭނެ އަދަދެއް ނޫނެވެ.
އެއީ، މިދިޔަ އަހަރުގެ ޖެނުއަރީން ސެޕްޓެމްބަރު މަހު ލިބުނު 2.6 ޓްރިލިއަން ޔުއާންގެ ތެރެއަށް މަދުވާ އަދަދުގެ ގާތްގަނޑަކަށް ތިން ގުނަ އެވެ.
ޗައިނާގެ ކަމާބެހޭ ފަރާތްތަކަށް މިއަހަރު ބޯހިޔާވަހި ކަމުގައި ހައްލުތަކެއް ހޯދައި ދިނުމަށް ދަިތަކެއް ކުރިމަތިވެފައިވާއިރު، ޓެކްސް ބޮޑުތަނުން މަދުވުމާއި ބޯހިޔާވަހިކަމުގެ ބާޒާރުގެ ހަލަބޮލިކަން ދިގުދެމިގެންދާތީ ސަރުކާރުގެ އާމްދަނީ ވަރަށް ބޮޑަށް ކުޑަވެފައިވެއެވެ. އެހެންނަމަވެސް ކޯވިޑް ބަލިމަޑުކަން ކޮންޓްރޯލް ކުރުމަށް ބޮޑެތި ސިޓީތައް ތަކުރާރުކޮށް ލޮކްޑައުން ކުރުމާއި މީހުން ކޮންޓްރޯލްކޮށް ޓެސްޓް ކުރުމަށް އިތުރު ހަރަދުތަކެއް ކުރަން ޖެހުމާއެކު އިގްތިސާދީ ކުރިއެރުމަށް ހުރަސް އެޅި މީހުން މުދާގަނެ ވިޔަފާރި މުއާމަލާތު ހިންގުން މަދުވުމުން އިގްތިސާދަށް އިތުރު ހީނަރުކަމެއް ލިބިފައި ވެއެވެ.
