އެމެރިކާގެ ރައީސް ޖޯ ބައިޑަން އާއި އިނގިރޭސިވިލާތުގެ އާ ބޮޑުވަޒީރު ރިޝީ ސުނާކްގެ މަޝްވަރާތަކުގައި އެއްބަސްވެވަޑައިގެންނެވީ ޔޫކްރޭނަށް ތާއީދުކުރުމަށާއި ޗައިނާއާ ދެކޮޅަށް ތެދުވުމަށް ދެގައުމުން މަސައްކަތް ކުރުމަށް ކަމަށް ވައިޓް ހައުސްއިން ބުނެއެވެ.
ދެ ބޭފުޅުން ވާހަކަ ދެއްކެވީ މިއަހަރު އިނގިރޭސިވިލާތުގެ ތިން ވަނަ ބޮޑުވަޒީރު ކަމަށް ވަޑައިގެންނެވި ސުނާކް މަގާމާ ޙަވާކލުވެ ވަޑައިގެންނެވިތާ ގަޑިއެއްހާއިރު ފަހުން ނެވެ.
އިނގިރޭސިވިލާތަށް ބަނަވެފައިވާ އިގްތިސާދީ ވލާގަނޑުން ސަލާމަތްވުމަށް އެންމެ 49 ދުވަހުގެ ވެރިކަމަކަށް ފަހު ލިޒް ޓްރަސް ވަނީ އިސްތިއުފާ ދެއްވާފައެވެ.
ދެބޭފުޅުން ވަނީ ޔޫކޭއާއި އޫއެސްއާ ދެމެދު އޮންނަ ގުޅުން ޚާއްސަ ގުޅުމުގެ މުހިންމު ކަމަށްވެސް ވާހަކަ ދައްކަވާފައެވެ. އަދި ދުނިޔޭގެ ސަލާމަތާއި ތަނަވަސްކަން ކުރިއެރުވުމަށް ދެގައުމުން ގުޅިގެން މަސައްކަތް ކުރާނެ ކަމަށް ވައިޓް ހައުސްއިން ބުނެއެވެ.
"ޔޫކްރޭނަށް ތާއީދުކޮށް، ރަޝިޔާގެ އުދުވާނީ އަމަލުތައް ޖަވާބުދާރީ ކުރުވުމަށް ގުޅިގެން މަސައްކަތް ކުރުމުގެ މުހިންމުކަމާ މެދު ލީޑަރުން އެއްބަސްވި،" ވައިޓްހައުސްއިން ބުންޏެވެ.
ޗައިނާއަކީ މިއަދު ދުނިޔޭގެ މައިދާނުގައި ޖިއޮޕޮލިޓިކަލް ގޮތުންނާއި އަދި އިގްތިސާދީ ގޮތުން ހުޅަނގުގެ އެންމެ ބޮޑު ވާދަވެރިއާގެ ގޮތުގައި ވޮޝިންޓަނުން ކަނޑައަޅާފައިވާ ގައުމެވެ.
