މިއަހަރުގެ ތެރޭގައި ސައޫދީ އަރަބިއްޔާގައި 12،000 ގެސްޓް ކޮޓަރި ހުޅުވިގެން ދާނެ ކަމަށް ސައޫދީ ޓޫރިޒަމް މިނިސްޓަރު އަހުމަދު އަލް ޚަތީބު ވިދާޅުވެއެވެ. އޭނާ ވިދާޅުވީ މިއީ ދުނިޔޭގައި ގެސްޓް ކޮޓަރިތައް ހުޅުވުމުގެ ނިސްބަތުން ބަލާއިރު އެއް ގައުމެއްގައި އެންމެ ގިނައިން ގެސް ހުޅުވޭ އަދަދު ކަމަށެވެ.
ސައޫދީ ވަލީ ޢަހުދު، ފަތުރުވެރިކަމަށް ސައޫދީ އަރަބިއްޔާ ހުޅުވާލުމާއެކު މިއަހަރު ފަތުރުވެރިންގެ އަދަދު ކުރިން ދުވަހަކުވެސް ނުފެންނަ ވަރަށް އިތުރު ވެފައިވާ ކަމުގައި އޭނާ ވިދާޅުވިއެވެ.
ހިނގަމުން މިދާ 2022ގައި ސައޫދީ އަރަބިއްޔާއަށް 65 މިލިއަން ފަތުރުވެރިން ޒިޔާރަތްކޮށްފައި ވެއެވެ.
އަލްޚަތީބު ވިދާޅުވގޮތުގައި ސައޫދީގައި ފަތުރުވެރިކަމުގެ ދާއިރާއިން މީހން ތަމްރީން ކުރުމަށް ޚާއްސަ ސަމާލުކަމެއް ދެއެވެ. އެގޮތުން އެދާއިރާގެ ހުރިހާ ޓްރެއިނިން އިންސްޓިޓިއުޓްތަކެއް އިވެލުއޭޓް ކުރެވިފައިވާ ކަމަށާއި، އަދި މުސްތަގްބަލުގައި ދުނިޔޭގައި ހުރި އެންމެ ބޮޑު ޓޫރިޒަމް އެކަޑަމީ ސައޫދީގައި ބިނާ ކުރުމަށް މަސައްކަތް ކުރެވެމންދާ ކަމަށެވެ.
ސައުދީ އަރަބިއްޔާއިން ވަނީ ޓޫރިޒަމް ދާއިރާގައި މަސައްކަތް ކުރުމަށް މިއަހަރިގެ ތެރޭގައި އެއް ލައްކަ ސައޫދީ އަންހެނުންނާއި ފިރިހެނުން ތަމްރީނު ކޮށްފައެވެ.
