އިންޑިއާގެ އުއްތުރަ ޕްރަދޭޝްގެ ޕްރަޔަގްރާޖް ހަސްފަތާލެއް އެއްކޮށް ތަޅާލުމަށް އެ ސިޓީގެ ޑިވެލޮޕްމަންޓް އޮތޯރިޓީން އަންގައިފިއެވެ.
މިދިޔަ އޮކްޓޯބަރު މަހުގެ 28 ވަނަ ދުވަހުގެ ކުރިން އެ އިމާރާތް ހުސްކުރުމަށް ސިޓީ ޑިވެލޮޕްމަންޓް އޮތޯރިޓީން ވަނީ ގްލޯބަލް ހޮސްޕިޓަލަށް އަންގާފައެވެ.
އެ ހަސްފަތާލާ ދެކޮޅަށް ބަލާފައިވާ މައސަލާގައި ހަސްފަތާލުގެ އިހުމާލު އޮތްކަން ސާބިތު ވުމުން މަސްއޫލު ފަރާތުން ނިންމާފައި ވަނީ ހަސްފަތާލު އެއްކޮށް ތަޅާލުމަށެވެ.
އެ ހޮސްޕިޓަލަށް ތުހުމަތު ކޮށްފައ ވަނީ ޑެންގޫ ޖެހިގެން އެނދުމަތި ކުރި ޕޭޝަންޓަކަށް ލޭގެ ބަދަލުގައި އޮރެންޖު ޖޫސް އައިވީއަކުން ދިން ކަމަށެވެ.
އެކަމާ ގުޅޭ ވީޑިއޯއެއް ވަރިރަލް ވަމުން ދެއެވެ. އަދި އެ މައްސަލަ ސަރުކާރުން ދނީ ބަލަމުންނެވެ. ނަމަވެސް ސިޓީ ޑިވެލޮޕްމެންޓު އޮތޯރިޓީން ބުނަނީ ހަސްފަތާލު ގަވއިދާ ޚިލާފަށް ބިނާ ކޮށްފައިވާ ކަމަށާއި ތަޅާލުން ނޫން ގޮތެއް ނެތް ކަމަށެވެ.
