އެމެރިކާގެ ރައީސް ބައިޑަން އަނެއްކާވެސް ދޫ އޮޅިއްޖެއެވެ. މަގާމުގެ ގޮތުން ވާކަމެއް ކަމުގައިވެސް ވެދާނެއެވެ. ކުރިން ހުންނެވި ޖޯޖު ބުޝްވެސް ކޮށް ވާހަކަތައް ދައްކަވާ ކަމަށް މަޝްހޫރު ވެފައި ވެއެވެ.
މިފަހަރު ބައިޑެން ވަނީ އޭނާގެ ނާއިބަސް އެމެރިކާގެ ރައީސްކަން ދެއްވާފައެވެ.
ނާއިބް ރައީސް ކަމެލާ ހެރިސްގެ އުފަން ދުވަހުގެ މުނާސަބގައި ތަހުނިޔާ ވިދާޅުވަމުން ބައިޑެން ވަނީ އޭނާގެ ނައިބު ރައީސް ކަމެލާ ހެރިސް އަކީ "އެމެރިކާގެ ރައީސް" ކަމަށް ސިފަކުރައްވާފައެވެ.
ފޮކްސް ނިއުސް އިން ރިޕޯޓްކުރާ ގޮތުގައި ރައީސް ބައިޑަން، އެމަނިކުފާނުގެ ނައިބު ރައީސްގެ އުފަންދުވަހަށް ތަހުނިޔާ ވިދާޅުވަމުން ގެންދެވިއިރު، އެމަނިކުފާނު ސިފަކުރެއްވީ "އެމެރިކާގެ ރައީސް!" "މޮޅު ރައީސަކަށް އުފަންދުވަހުގެ ތަހުނިޔާ"
އަދި ސަމާސާ ކުރައްވަމުން ބައިޑެން ވަނީ އުމުރުން 58 އަހަރުގެ ހެރިސް އަށް "30 އަހަރު ފުރިފައިވާ" ކަމަށް ވިދާޅުވެފައެވެ.
"ފޮކްސް ނިއުސް" އިން އިތުރަށް ބުނެފައިވާ ގޮތުގައި ބައިޑަން ވަނީ މަދުވެގެން ދެ ފަހަރެއްގެ މަތިން ހެރިސްއަށް އެމެރިކާގެ "ރައީސް" ގެ ގޮތުގައި މުޚާތަބު ކުރައްވާފައެވެ.
ޖެނުއަރީ 2021 ގައި ވޯޓުލުމުގެ ހައްގުތަކާ ބެހޭ ގޮތުން ދެއްކެވި ވާހަކަފުޅުތަކުގައި "ރައީސް ހެރިސް" އަށް އިޝާރާތް ކުރެއްވި އިރު، 2021 ވަނަ އަހަރުގެ ޑިސެމްބަރު މަހު ސައުތު ކެރޮލައިނާގައި ދެއްކެވި ވާހަކަފުޅުތަކުގައި "ރައީސް ހެރިސް" އޭ ވިދާޅުވެ ވާހަކަ ދެއްކެވިއެވެ.
