މުމްބާއީގައި ބާއްވާ އދގެ ކައުންޓާ ޓެރަރިޒަމްގެ ބައްދަލުވުން ބޭއްވުމަށް ހަމަޖެހިފައި ވަނީ މި މަހުގެ 28 އަދި 29ގައެވެ. މި ބައްދަލުވުމުގެ މައިގަނޑު މައުޟޫއަކީ ޓެރަރިސްޓުންނަށް ޓެކްނޮލޮޖީ ލިބޭނެ ގޮތްތަކަށް ހުރަސް އެޅުމެވެ. އެކަމަށް ޚާއްސަ ކޮށްގެން ބާއްވާ ބައްދަލުވުމުގައި މުމްބާއީގައި ދީފައިޥާ ޓެރަރިސްޓް ހަމަލާގެ ހަނދާންތައް އައު ކުރާނެއެވެ.
އދގެ ކައުންޓާ ޓެރަރިޒަމްގެ މި ބައްދަލުވުމުގައި ޓެރަރިސްޓުން އިންޓަނެޓާއި، ޕޭމަންޓް މެކޭނިޒަމް، އަދި ޑްރޯން ބޭނުންކުރުމާ ބެހެ ގޮތުން މަޝްވަރާ ކުރާނެއެވެ.
މި ބއްދަލުވުމުގައި ބައިވެރިވެ ވަޑައިގަންނަވާ ބޭފުޅުންނަކީ، ގާނާގެ ފޮރިން މިނިސްޓަރާއި ގެބޯންގެ ފޮރިން މިނިސްޓަރާއި ޔޫއޭއީގެ ފޮރިން މިނިސްޓަރ އޮފް ސްޓޭޓާއި އިނގިރޭސިވިލާތުގެ ފޮރިން ސެކްރެޓަރީއާއި އަލްބޭނިއާގެ ޑެޕިއުޓީ ފޮރިން މިނިސްޓަރާއި ޔޫއެން ޑެޕިއުޓީ ސެކްރެޓެރީ ޖެނެރަލްއެވެ.
މިއީ އިނގިރޭސިވިލާތުގެ އާ ބޮޑުވަޒީރުގެ މަގާމާ ރިޝީ ސުނާކް އާދިއްތަ ދުވަހު ހަވާލުވެވަޑައިގެންނެވި ފަހުން، އިނގިރޭސިވިލާތުގެ މަތީ ފެންވަރުގެ އޮފިޝަލަކު އިންޑިއާއަށް ކުރައްވ މަތީ ފެންވަރުގެ ފުރަތަމަ ދަތުރުފުޅެވެ.
