ތާލިބާނުން ވެރިކަމަށް އައި ފަހުން އަފްޣާނިސްތާނުގައި އިންސާނީ ހައްގުތަކާ ހިލާފުވުން މެދުކެނޑުމެއްނެތި ކުރިއަށް ދާކަމަށާއި އަދި އެ ގައުމަކީ ދުނިޔޭގައި "އެންމެ އެންމެ ނުރައްކާތެރި" ގައުމުގެ ގޮތުގައި ގެލޮޕްގެ ލޯ އެންޑް އޯޑަރ އިންޑެކްސްގައި މިހާރު ވަނީ ގިންތިކޮށްފައެވެ.
ރައްޔިތުންގެ ސަލާމަތާއި ރައްކާތެރިކަމަށް ބަލައިގެން ގެލޮޕްގެ ސާވޭގައި 120 ވަރަކަށް ގައުމު އިވެލުއޭޓްކޮށްފައިވެއެވެ.
އޭގެ ކުރިން އަފްޣާނިސްތާން ވަނީ ދުނިޔޭގެ ސުލްހައިގެ އިންޑެކްސްގައި އެންމެ ސުލްޙަވެރި ނޫން ގައުމުގެ ގޮތުގައި ފަސް އަހަރު ވަންދެން އޮވެފައެވެ.
ގެލޮޕްގެ ސާވޭގައި ދުނިޔޭގެ އެންމެ ހަމަޖެހޭ ގައުމުގެ ގޮތުގައި ގިންތިކޮށްފައި ވަނީ ސިންގަޕޫރެވެ. އެ އިންޑެކްސްގައި ސިންގަޕޫރަށް 96 ޕޮއިންޓް ލިބިފައި ވެއެވެ.
ގެލޮޕްސްއިން ބުނިގޮތުން އަމާންކަމެއް ނެތް ތަނެއްގެ ގޮތުގައި ސާވޭ ކުރި ގައުމުތަކުގެ ތެރޭން އެންމެ ގިނަ ރައްޔިތުން އިޙުސާސް ކުރި ގައުމަކީ އަފްޣާނިސްތާނެވެ. ގެލަޕްއިން ބުނިގޮތިގައި ތާލިބާނުން ވެރިކަމަށް އައި ފަހުން ޜޭގަނޑު ބޭރަށް ނިކުމެ އުޅުމުގައި އެއްވެސް ވަރަކަށް މީހުން ރައްކާތެރިކަން އިޙުސާސެއް ނުކުރާކަމަށް ބުނެފައި ވެއެވެ.
މިދިޔަ އަހަރު ތާލިބާނުން ކާބުލް ހިފި ފަހުން އިންސާނީ ހައްގުތަކުގެ ހާލަތު ގޯސްވެފައި ވެއެވެ. އަދި މީގެ ކުރިން ނުފެންނަ ފަދަ ބޮޑު އިގްތިސާދީ، މާލީ އަދި އިންސާނީ ކާރިސާއެއް އެގައުމަށް ކުރިމަތި ވެފައި ވެއެވެ.
