މޯލްޑިވްސް ނެޝަނަލް ޕާޓީ (އެމްއެންޕީ) ގެ އަސާސީ ޤަވައިދުގެ 22 ވަނަ މާއްދާގެ (ރ)ގެ ދަށުން ޔޫތު ވިންގުގެ ކައުންސިލަށް ކުރިމަތިލުމުގެ ފުރުސަތު ހުޅުވާލައިފިއެވެ.
ޔޫތުވިންގުގެ ކައުންސިލަށް ކުރިމަތިލުމުގެ ފުރުސަތު ހުޅުވާލީ އިއްޔެއެވެ. މުއްދަތު ހަމަވާނީ 31 އޮކްޓޯބަރ ގައެވެ.
ކައުންސިލަށް އިންތިހާބުކުރުމަށް ހަމަ ޖެހިފައިވަނީ ހަ މެމްބަރުންނެވެ. އެއީ ކޮންމެ ދާއިރާއަކަށް ނިސްބަތްވާ 1 މެންބަރެކެވެ.
ޔޫތު ވިންގުގެ ކައުންސިލަށް ކުރިމަތިލާން ބޭނުންވާ ފަރާތްތަކުން މޯލްޑިވްސް ނެޝަނަލް ޕާޓީގެ ޔޫތު ވިންގުގެ ކައުންސިލަށް ކުރިމަތިލުމަށް އެދޭ ފޯމާއި، އައިޑީ ކާޑް ކޮޕީ އަދި ވަނަވަރާއިއެކު މި ހިނގާ އޮކްޓޯބަރ 31 ވަނަ ދުވަހުގެ މެންދުރު 2:00ގެ ކުރިން ޕާޓީގެ އޮފީހަށް ފޯމު ހުށަހަޅަން ޖެހޭނޭ ކަމަށް އެމްއެންޕީއިން ބުނެފައިވެއެވެ. އެ ޕާޓީގެ އޮފީސް ހުންނަނީ މއ. ކެލާވީ ފަސްޓް ފްލޯ ގައެވެ. އޮފީހަށް ނޭދެވޭނަމަ ([email protected]) އަށް އީމެއިލް ކުރުމަށް ވެސް އެޕާޓީން އެދިފައިވެއެވެ.
ޔޫތު ވިންގަށް ކުރިމަތިލުމުގެ ފުރުސަތު ހުޅުވާލިޔަސް އެ އިންތިޚާބު ބާއްވާނޭ ދުވަހެއް އަދި ހާމައެއް ނުކުރެއެވެ.
