ބ. ކަމަދޫ ބަނދަރުގެ މަސައްކަތަށް ބޭނުންވާ ކޮންކްރީޓް ގަލުގެ ދެވަނަ ޝިޕްމެންޓް ޕްރޮޖެކްޓް ސައިޓަށް ގެންގޮސްފައި ކަމަށް އެމް.ޓީ.ސީ އިން ވިދާޅުވެއްޖެއެވެ.
އެކުންފުނީން ވިދާޅުވީ މިހާރުވަނީ ހާބަރގެ ބޭސިން ފުންކުރުމުގެ މަސައްކަތް %92 ނިމިފައި ކަމަށެވެ. އޭގެ އިތުރުން ސައިޓުގައި މިހާރު ކުރިއަށްދަނީ އެއްގަމު ތޮށި ލުމުގެ މަސައްކަތް ކަމަށް ވެސްް އެކުންފުނީން މައުލޫމާތު ދެއްވިއެވެ.
މި މަޝްރޫޢުގެ ދަށުން:
- 25،636 ކިއުބިކް މީޓަރުގެ ސަރަޙައްދެއްގެ ބަނދަރުފުންކުރުން
- 180 މީޓަރުގެ ސަރަޙައްދެއްގައި ބޭރުތޮށި ލުން
- 628 މީޓަރުގެ ސަރަޙައްދެއްގައި ރިވެޓްމެންޓް ޖެހުން
- 346 މީޓަރުގެސަރަޙައްދެއްގައި އެއްގަމުތޮށި ލުން
- ހާބަރ ޕޭވްމަންޓް ހެދުން
- ރޭމްޕެއް ހެދުން
- ބަނދަރު ބައްތި ހަރުކުރުން
އެމް.ޓީ.ސީ.ސީ އިން ހިންގާ މިމަޝްރޫޢަކީ 47.01 މިލިއަން ރުފިޔާގެ މަޝްރޫޢެކެވެ.
