ހޯމް މިނިސްޓަރު އިމްރާން އަބްދުﷲ އާ މަގުމަތިން ދިމާކޮށް، ނުރުހުން ފާޅުކޮށްފި އެވެ.
އެ ހާދިސާގެ ވީޑިއޯއެއް މިހާރު އާއްމުވެފައިވާއިރު، އެ ވީޑިއޯގައި ފެންނަނީ މިނިސްޓަރ އިމްރާން ރައީސް އޮފީހުން ނިކުމެ ވަޑައިގެން ހިންގަވާފައިވާ ވެލާނާގެއަށް ވަޑައިގަންނަވަނިކޮށް ސައިކަލެއްގައި ފަހަތުން އައި އަންހެނަކުވަނީ މިނިސްޓާ އިމްރާނާއި އެއްވަރަށް ސައިކަލުގައި ދުއްވަމުން އޭނާގެ ޝުޢޫރުތައް ފާޅުކޮށްފައެވެ.
އިމްރާންގެ އަރިހުގައި ސެކިޔުރިޓީން ތިބިއިރު އެ އަންހެން މީހާ ހުއްޓުވަން މަސައްކަތް ކުރާ ތަނެއް ވެސް ވީޑިއޯއަކުން ނުފެނެ އެވެ. އަދި އިމްރާން ވެސް އެ މީހާއަށް ރައްދު ދެއްވާ މަންޒަރެއް ނުފެނެ އެވެ.
މިއަންހެން މީހާއަކީ އަދާލަތް ޕާޓީގެ އޮފީހުގައި މިނިސްޓަރ އިމްރާން އޭނާއަށް ޖިންސީ ގޯނާކުރިކަމަށް ބުނާ މީހާ ކަމަށް މައުލޫމާތު ލިބެއެވެ.
