ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު މާދަމާ، ފަރެސްމާތޮޑާގައި މަސްވެރީންނާ ބައްދަލު ކުރައްވާ ގޮޮތަށް ހަމަޖެހިއްޖެއެވެ.
މި ބައްދަލުވުން އޮންނާނީ މާދަމާ ހަވީރު 3:35 ގައި ހުވަދު ސްކޫލު ހޯލުގައެވެ. މިއަހަރު ފާހަގަ ކުރާ ރާއްޖޭގެ 42 ވަނަ މަސްވެރީންގެ ދުވަސް ރަސްމީކޮށް ފާހަގަކުރަނީ ގދ، ފަރެސްމާތޮޑާގައެވެ. މިމަހުގެ ހަތްވަނަދުވަހުން ފެށިގެން ދުވަހުގެ ހަރަކާތްތައް އެރަށުގައި ވަނީ ފަށައިިފައެވެ.
އިއްޔެ އެރަށުގައި ވަނީ މަސްވެރީންގެ ފޯރަމް ބާއްވައިފައެވެ. މި ފޯރަމުގައި މަސްވެރީންނަށް ދިމާވާ މައްސަލަތަކާއި ދަތިތަކާއި އެކަންކަން ހައްލު ކުރާނޭގޮތްތަކާ ބެހޭގޮތުން ފުޅާ ދާއިރާއެއްގައި ވަނީ މަޝްވަރާ ކުރެވިފައެވެ. އޭގެ އިތުރުން އިއްޔެ އެރަށުގައިވަނީ މަސްވެރިކަމާ ބެހޭ އެކްސްޕޯއެއް ހުޅުވައިފައެވެ. މި އެކްސްޕޯ ހުޅުވައި ދެއްވީ ފިޝަރީޒް މިނިސްޓަރ ޑރ. ޙުސައިން ރަަޝީދު ހަސަނެވެ. މި އެކްސްޕޯގައި މިފްކޯއާއި އަދިވެސް އެހެން ތަންތަނުން ބައިވެރިވެފައިވެއެވެ.
