މާލެ، ނީލަން ފިހާރަ ސަހައްދުގެ މެދުތެރޭގައި އަދިވެސް ދުމުގެ އަސަރު އެބަހުރި ކަމަށާއި އެސަރަހައްދަށް އާންމުން ދިއުން ރަނގަޅު ނޫންކަމަށަ އެމްއެންޑީއެފުން ވިދާޅުވެއްޖެއެވެ.
އަލިފާނުގެ ހާދިސާއަށްފަހު އެމްއެންޑީއެފް އާއި ފުލުހުން ގެންދަނީ އެ ސަރަހައްދުގައި އަދިވެސް ހަރަކާތްތެރިވަމުންނެވެ. އެ ސަރަހައްދުގައި ދިރިއުޅޭ އާންމުން ރައްކާތެރިކަމުގެ ގޮތުން އަޅަންޖެހޭ ފިޔަވަޅުތައް އެޅުމަށާއި އާންމުން އެ ސަރަހައްދަށް ނުދިއުމަށް ފުލުހުން ވެސް ވަނީ އިލްތިމާސްކުރައްވައިފައެވެ.
އަލިފާނުގެ ހާދިސާއާ ގުޅިގެން ވިލާ ކޮލެޖާއި ސްޓެލްކޯއާ ދެމެދުގެ ގިނަ މަގުތައް އާންމު ދަތުރުފަތުރަށް ބަންދުވެސްކުރިއެވެ. ދުމުގެ އަސަކުރާ ސަރަހައްދުތަކުގައި ދިރިއުޅޭ މީހުން ދުމުން ރައްކާތެރިވުމުގެ ގޮތުން އެކަށީގެންވާ މާސްކް އެޅުމަށް ފުލުހުން ވަނީ އެދިފައެވެ. މިހާދިސާގައި 200 ބިދޭސީންގެ ބޯހިޔާވަހިކަން ގެއްލުނެވެ.
މިފަހުން ހިނގި އަލިފާނުގެ ހާދިސާތައް 9 ޖެނުއަރީ ނީލަން ފިހާރަ 8 ޖެނުއަރީ ފިޔޯރީ ސްކޫލު 7 ޖެނުއަރީ އަލިފުށީގައި ފައިބަރުގައި ރޯކޮށްލުން 6 ޖެނުއަރީ ހުޅުމާލޭގައި ކުނިތަކެއްގައި ރޯވުން 4 ޖެނުއަރީ ފުލުހުންގެ ކާރެއްގައި ރޯކޮށްލުން 8 ޑިސެންްބަރު ހ. ހިރިޔާގެ އަލިފާން ރޯވުން 15 ޑިސެންްބަރު އެފްކޮން އެކޮމޮޑޭޝަން ބްލޮކް 30 ޑިސެންްބަރު ހުޅުދޫ ބަނދަރު ސަރަހައްދު ރޯކޮށްލުން 28 ނޮވެންބަރު ވިލުފުށީ ބަނދަރުގައި ތެޔޮ ބޯޓުގައި ރޯވުން 10 ނޮވެންބަރު މ. ނިރުފެހިގެ ގަރާޖުގައި ރޯވުން