ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު މިއަދު ކ. އަތޮޅަށް ވަޑައިގެންފިއެވެ. އެމަނިކުފާނުގެ މިދަތުރުފުޅަކީ މިމަހު 28 ވަނަ ދުވަހު ބާއްވާ އެމްޑީޕީގެ ރިޔާސީ ކެމްޕޭން ކުރައްވާ ދަތުރުފުޅެކެވެ.
މިދަތުރުފުުގައި އެމަނިކުފާނު ކ. ގުރައިދުއަށާއި ކާށިދުއަށް ވަޑައިގަންނަވާ ގޮތަށް ހަމަޖެހިފައިވާ ކަމަށް މައުލޫމާތު ވަނީ ލިބިފައެވެ. ރިޔާސީ ޕްރައިމަރީ ކެމްޕޭނަށް ރައީސް ސާލިހު ވަނީ ރާއްޖޭގެ އެކިކަންކޮޅުތަކަށް ވަޑައިގެން ކެމްޕޭން ކުރައްވައިފައެވެ. އެމްޑީޕީ ރިޔާސީ ކެމްޕޭނުގައި އެމަނިކުފާނާ ވާދަކުރައްވަނީ އެ ޕާޓީގެ ރައީސް މުހައްމަދު ނަޝީދެވެ. ރައީސް ނަޝީދު ވެސް ގެންދަނީ އެކި އަތޮޅުތަކާއި މާލޭގައި ވެސް ކެމްޕޭން ހަރަކާތްްތައް ބާއްވަމުންނެވެ. ދެ ބޭފުޅުން ވެސް ވިދާޅުވަނީ ޕްރައިމަރީ ކާމިޔާބު ކުރައްވާނޭ ކަމަށެވެ.
މި ޕްރައިމަރީއަކީ އެމްޑީޕީން މިހާތަނަށް ބާއްވާ އެންމެ ބާރުބޮޑު އެންމެ ފޯރިގަދަ ޕްރައިމަރީއެވެ. ޕްރައިމަރީ ފޯރިގަދަވެފައިވަނީ ޕާޓީގެ އެންމެ އިސް ދެ ލީޑަރުން ވާދަަކުރައްވާތީއެވެ.
ރައީސް ސާލިހު މިއަދު ގުރައިދުއަށް ވަޑައިގެންނެވުމުން، ބަޔަކުވަނީ މަގުތަކަށްނުކުމެ ރައީސް ޔާމީނު މިނިވަން ކުރުމަށް ގޮވާލައިފައެވެ. ފުލުހުންވަނީ އެމީހުން ހުއްޓުވުމަށް މަސައްކަތް ކޮށްފައެވެ.
