ސިޔާސީ ޕާޓީތަކަށް 11 މިލިއަން ރުފިޔާ އިލެކްޝަންސް ކޮމިޝަނުން ދޫކޮށްފިއެވެ.
އެ ކޮމިޝންގެ ރައީސް އަޙްމަދު ޝަރީފާއި ހަވާލާދީ، ދައުލަތުގެ މީޑިއާ ޕީއެސްއެމް ނިއުސްގައި ރިޕޯޓުކޮށްފައިވާ ގޮތުން އީސީއިން މިފަހަރު ފައިސާ ދޫކޮށްފައި ވަނީ އެކޮމިޝަންގެ ދަފުތަރުގައި މެންބަރުންގެ ޢަދަދު ވެސް އެންމެ ގިނަ ތިން ޕާޓީކަމަށްވާ ވެރިކަންކުރާ މައި ޕާޓީ (އެމްޑީޕީ)އާއި، އިދިކޮޅު ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އާއި ޖުމްހޫރީ ޕާޓީ (ޖޭޕީ) އަށެވެ.
ފައިސާ ދޫކުރި ސިޔާސީ ޕާޓީތައް:
- އެމްޑީޕީ- 5.8 މިލިއަން ރުފިޔާ
- ޕީޕީއެމް- 3.9 މިލިއަން ރުފިޔާ
- ޖުމްހޫރީ ޕާޓީ- 1.3 މިލިއަން ރުފިޔާ
މި ތިން ޕާޓީއަށް މި ފައިސާ ދޫކޮށްފައި ވަނީ މިދިޔަ ބުރާސްފަތި ދުވަހުއެވެ. އެކި ފިޔަވަހިތަކަށް ބަހާލައިގެން އީސީއިން ސިޔާސީ ޕާޓީތަކަށް ފައިސާ ދޫކުރަމުން ދާއިރު މިއަހަރު ކުރީކޮޅުވެސް ޕާޓީތަކަށް ވަނީ ފައިސާ ދޫކޮށްފައެވެ.
