ޔޫރަޕްގައި ގުރުއާން އަންދާ ސޮލީބީ ޓެރަރިސްޓް ރަސްމޫސް ޕާލޫޑާން ވަނީ ކޮންމެ ހުކުރު ދުވަހަކު ޚަތިމެއް އަންދާނެ ކަމަށް އިންޒާރުކޮށްފައެވެ. މިހާރު އޭނާ ބުނަނީ ސުއިޑްން، ނޭޓޯއަށް ވަނުމަށް ތުރުކީން ހުއްދަ ނުދޭހައި ހިނދަކު ކޮންމެ ހުކުރެއްގައި ޚަތިމެއް އޭނާ އަންދާނެ ކަމަށެވެ.
މަލްއޫން ޕަލޫޑާންގެ ބަލާވެރިކަމާ ހެދި ނޯރވޭއާއި އެމެރިކާގައި މުސްލިމުން ވަނީ ކީރިތި ޤުރުއާން އިތުރަށް ޗާޕްކޮށް މިސްކިތްތަކުގެ ބޭރުގައި ބަހައި ކީރިތި ޤުރުއާނާ ބެހޭ މައުލޫމާތު ދޭން ފަށާފައެވެ.
އެންމެ ފަހުން އޭނާ މުސްޙަފް އަންދާލި ކޯޕަންހޭގަންގެ މީހުން ބުނެފައި ވަނީ އޭނާއަކީ ބުއްދި ފިލައި ގޮސްފައިވާ މީހެއް ކަމަށެވެ.
ކީރިތި ޤުރުއާނަކީ ރަސްމީ ހިސާބުތައް ބުނާ ގޮތުން ދުނިޔޭގެ 200 މިލިއަން މުސްލިމުން ހިތުން ދަސް ފޮތެކެވެ. އަދި ހަމައެކަނި ސައޫދީ ފަހުދު ރަސްގެފާނު މުސްޙަފް ޗާޕްޚާނާއިންވެސް އަހަރަކު 18 މިލިއަން މުސްހަފް ޗާޕްކޮށްގެން ނެރެއެވެ.
