ސްކޫލް ދަރިވަރުންނަށް ކުރިއަށްގެންދާ ''ސްކޫލް ޓްރެފިކް މޮނީޓާސް ޕްރޮގްރާމް'' ތިން ރަށެއްގައި ކުރިއަށް ގެންގޮސްފި ކަމަށް އެމްއެންޑީއެފްއިން ވިދާޅުވެއްޖެއެވެ. މި ޕްރޮގްރާމަކީ އެ ރަށްތަކުގެ ސްކޫލު ދަރިވަރުންނަށް ކުރިއަށް ގެންދިޔަ ޕްރޮގްރާމެކެވެ.

މި ޕްރޮގްރާމްގައި ބައިވެރިވި ރަށްތަކުގެ ތެރޭގައި:

  • ގދ. މަޑަވެލި
  • ހޯޑެއްދޫ
  • އަދި ގައްދޫ ހިމެނެއެވެ.

މީގެ އިތުރުން އެމްއެންޑީއެފްއިން ވިދާޅުވީ މި ޕްރޮގްރާމްގައި، އެއްގަމު ދަތުރު ފަތުރުގެ ގާނޫނާއި ގަވާއިދުތަކުގެ މައުލޫމާތު ހިއްސާކޮށްފައިވާނެ ކަމަށާއި އަދި އަމިއްލަ ސަލާމަތާއި ރައްކާތެރިކަމާ ގުޅޭގޮތުން ސެލްފް ޑިފެންސް ކްލާސްތައްވެސް ކުރިއަށް ގެންގޮސްފައިވާނެ ކަމަށެވެ.

އޭގެ އިތުރުން، ސްކޫލް ސަރަހައްދާއި މަގުމަތީގައި ހަރަކާތްތެރިވާ ދަރިވަރުން އާންމުންނާ މުއާމަލާތު ކުރުމުގައި ވާހަކަ ދެއްކުމުގެ ރީތި އަދަބުތަކާއެކު މުއާމަލާތުކުރާނެގޮތާއި ދިވެހިބަހުގެ ހަމަތަކާއި އުސޫލުތައް ހިމެނޭ ކޮމިއުނިކޭޝަން ސްކިލްސް ކްލާސްތައް ކުރިއަށް ގެންގޮސްފައިވެއެވެ. އަދި މަގުމަތީގައި ދަރިވަރުންނަށް ޕްރެކްޓިކަލް ސެޝަންތަކެއް ވެސް ކުރިއަށް ގެންދެވިފައިވެއެވެ.

މި ޕްރޮގްރާމްގައި މަޑަވެލި ސްކޫލުގެ 35 ދަރިވަރުންނާއި ހޯޑެއްދޫ ސްކޫލުގެ 38 ދަރިވަރުންނާ އަދި ގދ. އަތޮޅު މަދަރުސާގެ 33 ދަރިވަރުން ފުރިހަމަކޮށް ސެޓްފިކެޓް ހާސިލުކޮށްފައިވެއެވެ.

މިއީ މިމަހު 4 އިން 9 އަށް ކުރިއަށް ގެންދިޔަ ޕްރޮގްރާމެކެވެ.

އިތުރު ލިޔުންތައް އެމްއެންޑީއެފް