އެމްއެންޑީއެފް މާލޭ އޭރިއާ ކޮމާންޑުން އިންތިޒާމްކޮށްގެން މިއަދު ބޭއްވި ރޯދަވީއްލުމުގައި މިނިސްޓަރ އޮފް ޑިފެންސް އަލްއުސްތާޛާ މާރިޔާ އަޙްމަދު ދީދީ ބައިވެރިވެ ވަޑައިގަންނަވައިފިއެވެ.
އެމްއެންޑީއެފްއިން ވިދާޅުވިގޮތުގައި މާލެ އޭރިޔާ ކޮމާންޑް ހުޅުލެ ޕޯސްޓުގައި ބޭއްވުނު މިރޯދަވީއްލުމުގައި ޗިފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް، ވައިސް ޗީފް އޮފް ޑިފެންސް ފޯސް ބްރިގޭޑިއަރ ޖެނެރަލް ޢަބްދުއްރަޙީމް ޢަބްދުއްލަޠީފް ބައިވެރިވެ ވަޑައިގަތެވެ. އަދި ޖެނެރަލް އޮފިސަރުންނާއި ބޭރުޤައުމުތަކުން ރާއްޖެއަށް ކަނޑައަޅުވާފައި ތިއްބަވާ ސަފީރުންނާއި ޑިޕްލޮމެޓުން އަދި އެމްއެންޑީއެފް މާލެ އޭރިޔާ ކޮމާންޑަށް އެކިއެކިގޮތްގޮތުން އެހީތެރިކަންދެއްވާ މުއައްސަސާތަކާއި ބޭފުޅުންގެ އިރއަމިއްލަ ފަރާތްތައްވެސް ބައިވެރިވެވަޑައިގެންނެވިކަމަށް އެފަރާތުން ވަނީ ވިދާޅުވެފައެވެ.
މީގެއިތުރުން މާލޭ އޭރިއާ ކޮމާންޑްގެ ކޮމާންޑަރ ކާނަލް އަޙްމަދު ޤިޔާސްއާއި ސިފައިންގެ ސީނިއަރ އޮފިސަރުންނާއި މާލެއޭރިޔާ ކޮމާންޑުގެ އޮފިސަރުންނާއި އަދި އެހެނިހެން ރޭންކު ތަކުގެ ސިފައިންވެސް ބައިވެރިވެ ވަޑައިގަތެވެ.
ސިފައިން އިންތިޒާމުކުރާ މިފަދަ ހަފުލާތަކުގައި ބައިވެރިވެވަޑައިގެން ސިފައިންގެ ކަންކަން ގާތުން ބެއްލެވުމަކީ މިނިސްޓަރ އަލްއުސްތާޛާ މާރިޔާ އަޙްމަދު ދީދީ ވަރަށް ބޮޑު އިސްކަމެއްދެއްވަވާކަމެއް ކަމަށް އެމްއެންޑީއެފްއިން ވަނީ ވިދާޅުވެފައެވެ.
