މޫސުން ގޯސްވާނޭ ކަމަށް ލަފާކޮށް ކ. އަތޮޅުން ފެށިގެން ވ. އަތޮޅާ ދެމެދުގެ އަތޮޅުތަކަށް ހުދުސަމާލު ނެރެފިއެވެ.
މެޓު އޮފީހުން ފަތިހު 04:40 ނެރެފައިވާ ހުދުސަމާލުގައި ބުނެފައިވަނީ ބޯކޮށް ވާރޭވެހުމާއެކު ގުގުރާނެ ކަމަށް ލަފާ ކުރެވޭ ކަމަށެވެ.
މި ސަމާލުގެ މުއްދަތު ހަމަވާނީ މިއަދު ހެނދުނު 9:30 އަށެވެ.
މިދުވަސްވަރަކީ ރާއްޖޭގެ އެކި ހިސާބުތަކަށް ވިއްސާ ދުވަސްވަރެކެވެ. ކަނޑުދަތުރުފަތުރު ކުރާ ފަރާތްތަކުން މޫސުމަށް ސަމާލުވުމަށް މޫސުމާބެހޭ އޮފީހުން ވަނީ އިލްތިމާސް ކޮށްފައެވެ.
