ރާއްޖޭގައި ފުރަތަމަ ފަހަރަށް ބައިނަލްއަގުވާމީ އާޓް ފެސްޓިވަލެއް ބޭއްވުމަށް ނިންމައިފިއެވެ.
މިއަދު ކުރި ޓުވީޓެއްގައި ޔޫތު މިނިސްޓަރު މަހުލޫފް ބުނީ މި ފެސްޓިވަލަކީ "ފަރުމާ އިންޓަނޭޝަނަލް ޔޫތު އާޓް ފެސްޓިވަލް 2023″ ގެ ނަމުގައި ބާއްވާ ފެސްޓިވަލެއް ކަމަށެވެ.
އަންނަ މަހުގެ 8-13 އަށް މާލޭގެ ސޯޝަލް ސެންޓަރުގައި މި އިވެންޓް ކުރިއަށްގެންދާ ގޮތަށް ވަނީ ހަމަޖެހިފައެވެ.
މައުލޫމާތު ލިބިފައިވާ ގޮތުގައި، މިއީ މޯލްޑިވިއަން އާޓިސްޓް ކޮމިއުނިޓީއާއި ޔޫތު މިނިސްޓަރީ ގުޅިގެން ބާއްވާ ފެސްޓިވަލެކެވެ. އަދި "ފަރުމާ އިންޓަނޭޝަނަލް ޔޫތު އާޓް ފެސްޓިވަލް 2023″ގައި 7 ގައުމެއްގެ އާޓީސްޓުން ބައިވެރިވާ ގޮތަށް ވަނީ ހަމަޖެހިފައެވެ.
މިއީ ރާއްޖޭގައި ތިބި ހުނަރުވެރި ކުދިންނަށާއި ފަރާތްތަކަށް އެފަރާތްތަކުގެ ހުނަރު ދުނިޔެއަށް ދައްކާލުމުގެ ރަނުގެ ފުރުސަތަކަށް ވެގެންދާނެއެވެ.
