މޯލްޑިވްސް މީޓިއޮރޮލިޖިކަލް ސާރވިސް(މެޓް)އިން ބޯކޮށް ވާރޭ ވެހުމާއެކު ގުގުރާނެ ކަމަށް ލަފާކޮށް ރާއްޖޭގެ ބޮޑުބަޔަކަށް ހުދު ސަމާލު ނެރެފިއެވެ.
މެޓުން ހުދު ސަމާލު ނެެެރެފައިވަނީ ނ އަތޮޅުން ފެށިގެން ގދ އަތޮޅާހަމައަށެވެ.
އެގޮތުން މޫސުމާ ބެހޭ އިދާރާއިން، މި ހުދު ސަމާލު ނެރެފައިވަނީ މިއަދު މެންދުރު 13:00 ފެށިގެން އިރުއޮއްސި 18:00 ހަމައަށެވެ.
މިދުވަސްވަރަކީ ރާއްޖޭގެ އެކި ހިސާބުތަކަށް ވިއްސާ ދުވަސްވަރެކެވެ. ކަނޑުދަތުރުފަތުރު ކުރާ ފަރާތްތަކުން މޫސުމަށް ސަމާލުވުމަށް މޫސުމާބެހޭ އޮފީހުން ވަނީ އިލްތިމާސް ކޮށްފައެވެ.
