އިންޑިއާއިން ބައެއް ސަރަހައްދުތަކަށް މުދާ އެތެރެ ކުރި ވަރު ދަށްވެފައި ވެއެވެ. ނަމަވެސް ޖުމުލަ ގޮތެއްގައި އެކްސްޕޯޓް ވަނީ އިތުރު ވެފައެވެ. ޔޫރަޕާއި އެމެރިކާއަށް އެކްސްޕޯޓު ކުރުން ވަނީ އިތުރު ވެގެން ގޮސްފައެވެ.
އިންޑިއާގެ މުދާ އެކްސްޕޯޓް ކުރުން 2023ގައި 6.7 ޕަސެންޓަށް އިތުރުވެގެން ގޮސް، 450.4 ބިލިއަން ޑޮލަރަށް އަރާފައިވެ އެވެ.
ކޮމާސް ޑިޕާޓްމަންޓުން އާންމުކުރި ޑޭޓާއަށް ބަލާއިރު، އިރުއުތުރު އޭޝިއާއަށް އެކްސްޕޯޓްކުރާ މިންވަރު ވަނީ ދަށްވެފައެވެ.
ޗައިނާއަށް އެކސްޕޯޓް ކުރާ މިންވަރު 28 ޕަސެންޓަށް ދަށްވެފައ ވެއެވެ. އަދި ހޮންކޮންގަށް އެކްސްޕޯޓު ކުރުން 10 ޕަސެންޓަށް ދަށްވެފައި ވެއެވެ. ހަމައެފަދައިން ދެކުނު ކޮރެއާއަށް އެކްސްޕޯޓު ކުރުން 18 ޕަސެންޓަށް ދަށްވެ، ޖަޕާންއަށް އެކްސްޕޯޓު ކުރުން 11.5 ޕަސެންޓަށް ދަށްވެފައި ވެއެވެ.
ޗައިނާއާއި ހޮންކޮންގއަށް އެކްސްޕޯޓް ދަށްވީ، އަހަރުގެ ބޮޑު ބައެއްގައި ޗައިނާގެ "ޒީރޯ ކޮވިޑް" ސިޔާސަތުގެ ސަބަބުން އިންޑިއާގެ މުދަލަށް އޮތް ޑިމާންޑް ދަށްވުމުންނެވެ.
ޖަޕާނާއި ދެކުނު ކޮރެއާ އަށް އިންޑިއާގެ އެކސްޕޯޓް ދަށްވީ، އިންޑިއާއިން އަލިމަހާއި ތެލާއި ތެލުގެ އުފެއްދުންތައް އިމްޕޯޓް ކުރުން މަދު ކުރުމުންނެވެ. އެގައުމުތަކުން ވަނީ ރަޝިޔާގެ އުފެއްދުންތައް ހޯދން އިތުރު ކޮށްފައެވެ.
