ކުރިއަށް އޮތް އޮތީ އުނދަގޫ ދުވަސްތަކެއް ކަމަށާއި ރަނގަޅު ނަތީޖާ ހޯދަން ބޮޑެތި ގޮންޖެހުންތަކެއް ގިރާ ކުރަންޖެހޭ ކަމަށް އައު ކޯޗް ރުބެން އޮމޯރިމް ބުނުމާ ގުޅިގެން މެންޗެސްޓަރ ޔުނައިޓެޑުގެ ސަޕޯޓަރުން މާޔޫސް ކުރުވައިފިއެވެ.
ރަނގަޅު ނަތީޖާ ހޯދަން ބޮޑެތި ގޮންޖެހުންތަކެއް ގިރާ ކުރަންޖެހޭ ކަމަށް އައު ކޯޗް އަމޯރިމް ބުނީ، އޭނާގެ އިރުޝާދުގެ ދަށުން ކުޅުނު ފުރަތަމަ މެޗުގައި ލީގުގެ 18 ވަނައިގައި އޮތް އިޕްސްވިޗާ 1-1 އިން އެއްވަރު ވުމުންނެވެ.
އަމޯރިމްގެ އިރުޝާދުގެ ދަށުން ޔުނައިޓެޑުން ފެށީ ވަރަށް ރަނގަޅަށެވެ. މެޗް ފަށައިގެން 90 ވަނަ ސިކުންތުގައި މާކަސް ރަޝްފޯޑުގެ ލަނޑުން ޔުަނައިޓެޑުން ލީޑް ނެގިއެވެ. މިލަނޑާއެކު ޔުނައިޓެޑުގެ ސަޕޯޓަރުން ސޯޝިއަލް މީޑިޔާގައި އުތުރު އެރިއެވެ. އިޕްސްވިޗުން އެއްވަރު ކުރީ 43 ވަނަ މިނެޓުގައި އޮމާރީ ހަޗިންސަންގެ ލަނޑުންނެވެ.
ޕޯޗުގަލްގެ ސްޕޯޓިންގ ލިޒްބަންގައި މިސީޒަނުގައި ވަރަށް ރަނގަޅު ނަތީޖާތަކެއް ނެރެމުންދިޔަ އަމޯރިމް ބުނީ އޭނާގެ ޓެކްޓިކްސްއަށް ޔުނައިޓެޑުގެ ކުޅުންތެރިން ހާނުވަން ވަގުތު ބޭނުންވާ ކަމަށެވެ.
27 އަހަރު ޔުނައިޓެޑުގެ ކޯޗް ކަމުގައި ހުރުމަށްފަހު ސަރ އެލެގްސް ފާގަސަން 2013 ވަނަ އަހަރު ރިޓަޔަރ ކުރިފަހުން ޔުނައިޓެޑަށް ހަމަޖެހުމަށް އަދި ނާދެއެވެ.
