އިންޑިއާއިން އަލަށް އިމާރާތް ކުރި ޕާލަމެންޓް ބިލްޑިންގ މިމަހުގެ 28 ވަނަ ދުވަހު އިފްތިތާހު ކުރުމަށް ހަމަޖެހިފައި ވެއެވެ.
ލޯކް ސަބާއިން ބުނެފައިވަނީ، އައު ޕާލަމެންޓް ބިލްޑިންގއާކީ އިންޑިއާގެ އަމިއްލަވަންތަކަން ރަމުޒުކޮށްދޭ އައު އިމާރާތެއް ކަމަށެވެ.
އައު ބިލްޑިންގގައި ޕާލަމެންޓްގެ ދާށުގެއާއި މަތިގޭގެ ދެ ޗެމްބަރުގެ ބައްދަލުވުމަށް ޚާއްސަ ޖާގަ ހަމަޖައްސާފައި ވެއެވެ.
އައު މަޖިލިސް އިމާރާތުގައި ލޯކް ސަބާ ޗެމްބަރުގައި 888 މެންބަރުން ނަށް އިށީދެނވޭނެއެވެ. އަދި މަތިގެ، ރާޖްޔާ ސަބާ ޗެމްބަރުގައި 300 މެންބަރުންނަށް އިށީދެވޭ ގޮތަށް ޖާގަ ހަމަޖެހިފައި ވެއެވެ.
ދެ ގޭގެ މެމްބަރުން އެއްކޮށްލައިގެން ލޯކް ސަބާ ޗެމްބަރުގައި ޖަލްސާ ބާއްވަން ބޭނުން ނަމަ، ޖުމްލަ 1،280 މެންބަރުން ތިބެވޭ ގޮތަށްވެސް ހަމަޖެހިފައި ވެއެވެ.
މި އިމާރާތުގެ ބިންގާ އަޅާފައި ވަނީ 2020 ވަނަ އަހަރުގެ ޑިސެމްބަރު މަހުގެ 10 ވަނަ ދުވަހު އެވެ.
ޕާލަމެންޓްގެ ބައު އިމާރާތަކީ އިނގިރޭސިން 1927 ވަނަ އަހަރު ބިނާ ކުރި އިމާރާތެކެވެ.
