ޔުގެންޑާގައި ލިވާޠު ކުރުން މަނާ ކުރާ ގާނޫނެއް ފާސް ކުރުމުން އެކަމާ ދެކޮޅަށް އެމެރިކާ ރައީސް ބަޔާނެއް ނެރެފިއެވެ. އެމެރިކާ ރައީސް ބުނަނީ އެއީ ޑިމޮކްރެސީގައި ފަހަތަށް އެޅުނު ފިޔަވަޅެއް ކަމަށާއި އެކަމުގައި ޝާމިލުވާ ފަރާތްތައް އެމެރިކާއަށް އެތެރެ ވުމުގައި ފިޔަވަޅު އަޅާނެ ކަމަށާއި އެމެރިކާއިން ޔޫގެންޑާއާ ދެކޮޅަށް ދަތިކުރުމުގެ ފިޔަވަޅު އަޅާނެ ކަމަށެވެ.

ވައިޓް ހައުސްއިން ނެރުނު ބަޔާނެއްގައި ބުނެފައިވާ ގޮތުން ހީވަނީ ޔޫގެންޑާއިން އިންސާނުންނަށް ހުއްދަވެފައި އޮތް ކަމަކަށް ދޮރު ބަންދު ކުރީ ހެންނެވެ. އަދި ބުނެފައި ވަނީ ލިވާޠު ކުރުން މަނާ ކުރުމުން، އިގްތިސާދީ ތަރައްގީއަށްވެސް ހުރަސް އެޅޭނެ ކަމަށާއި އަދި ލިވާޠު ކުރުން މަނާ ކުރުމަކީ ޔުގެންޑާގެ ރައްޔިތުންނަށް އެކަށީގެން ނުވާ އަނިޔާވެރި ފިޔަވަޅެއް ކަމަށެވެ.

އެމެރިކާ ސުޕްރީމް ކޯޓުން 2003ގައި ލޮރެންސް ވ ޓެކްސަސް މައްސަލާގައި ޙުކުމް ކޮށްފައި ވަނީ މަކުނު ކުޅި ކުޅުން މަނާ ކުރާ އެއްވެސް ގާނޫނަކީ އެމެރިކާގެ ގާނޫނުއަސާސީއާ ޚިލާފް ގާނޫނެއް ކަމަށެވެ.

އިތުރު ލިޔުންތައް