ކެމްބޯޑިއާގެ ރަސްގެފާނު އިންޑިއާއަށް ފުރަމާނަ ދަތުރުފުޅެއްގައި ވަޑައިގެންފިއެވެ. ނޮރޮދޮމް ސިހާމޮނީ ރަސްގެފާނުގެ މި ދަތުރުފުޅަކީ، ކެމްބޯޑިއާއާއި އިންޑިއާގެ ސިޔާސީ ގުޅުން ގާއިމް ކުރިތާ 70 އަހަރު ފުރޭ މުނާސަބާ ފާހަގަ ކުރެއްވުމުގެ ގޮތުން ރަސްގެފާނު ކުރައްވާ 3 ދުވަހުގެ ދަތުރުފުޅެކެވެ.
ކެމްބޯޑިއާއާއި އިންޑިއާއާ ދެމެދުގެ ވިޔަފާރި އުޅެނީ 366 މިލިއަން ޑޮލަރުގައެވެ. އަދި އިންޑިއާގެ ވިޔަފާރިތަކުން ވަނީ 115 ޑޮލަރު ކެމްބޯޑިއާގައި އިންވެސްޓް ކޮށްފައެވެ.
އިންޑިއާއިން ވަނީ 50 މިލިއަން ޑޮލަރުގެ ލައިން އޮފް ކްރެޑިޓެއްވެސް ކެމްބޯޑިއާއަށް ފޯރުވައިދީފައެވެ. އަދި ދޮޅު މިލިއަން ޑޮލަރު މައިން ސާފު ކުރުމަށް އިންޑިއާއިން ހޭދަ ކުރެއެވެ.
އޭގެ އިތުރުން ސަގާފީ ގޮތުން ކެމްބޯޑިއާގެ އާސާރީ ތަންތަން ޙިމާޔަތް ކުރުމަށްވެސް އިންޑިއާއިން އެހީވެދެއެވެ. އަދި ތަމްރީން ޕްރޮގްރާމުތަކުގައި ބައިވެރިވުމަށް ކެމްބޯޑިއާ މީޙުންނަށް އިންޑިއާއިން ފުރުސަތު ދެއެވެ.
މިއީ ކެމްބޯޑިއާގެ ރަސްގެފާނަކު އިންޑިއާއަށް ކުރައްވާ ފުރަތަމަ ފުރަމާނަ ދަތުރުފުޅެވެ.
