އެހެން ދީންތަކުގެ މީހުންނަށް އިހްތިރާމް ކުރަން ޖެހޭ ކަމަށް ރައީސުލްޖުމްހޫރިއްޔާ އޮފީހުގެ މިނިސްޓަރު އަދި އެމްޑީޕީގެ ނައިބް ރައީސް މުހައްމަދު ޝިފާޒް ވިދާޅުވެއްޖެއެވެ.
ޝިފާޒް މިހެން ވިދާޅުވީ ރައްޔިތުންނަށް އޮޅުވާލައިގެން އެހެންދީންތަކަށް ރާއްޖޭގައި ފުރުސަތު ދިނުމަށް މުޒާހަރާ ކުރުމަށް ރާވަމުން ދާކަމަށް ދީނީ ޢިލްމްވެރިޔާ ޝައިޚް އިލިޔާސް ހުސައިން ވިދާޅުވެ ދެއްކެވި ވާހަކަތަކާ ގުޅިގެންނެވެ.
އެގޮތުން ޝިފާޒް ކުރެއްވި ޓްވީޓެއްގައި ވިދާޅުވީ އަޅުގަނޑުމެންނަކީ އިސްލާމީ ރިވެތި ސީދާ އުޅުމެއް އުޅެމުން އައިބައެއް ކަމަށާއި އެހެން ދީންތަކުގެ މީހުންނަށް ވެސް އިހްތިރާމް ކުރަން ޖެހޭ ކަމަށެވެ.
ރާއްޖޭގައި ބައެއް މީހުން އިސްނަގައިގެން ބޮޑު އޮޅުވާލުމެއްގެ ތެރެއިން ދީނީ ހަރުކަށި ކަމާއި ދެކޮޅު، އެހެން ދީންތަކަށް އިޚުތިރާމް ކުރަންޖެހޭ، ކަމަށްބުނެ މުޒާހަރާ ކުރުމަށް ރާވާމުންދާ ކަމަށް ބުނެ ގިނަ އިލްވުވެރިންތައް އަންނަނީ ކަންބޮޑުވުން ފާޅުކުރަމުންނެވެ
އެގޮތުން ޑރ. މުހައްމަދު އިޔާޒް ވިދާޅުވެފައި ވަނީ ކިތަންމެ ބޮޑު މުޒާހަރާއެއް ކުރިޔަސް އެބައިމީހުންނަށް ކާމިޔާބު ނުވާނެ ކަމަށެވެ.
ޝައިޚު ޒައިދު ވިދާޅުވީ ރާއްޖޭގެ ރައްޔިތުންނަކީ އެހެން ދީންތަކަށް އިޚުތުރާމް ނުކުރާ ރައްޔިތަކު އުޅޭ ޤައުމެއް ނޫންކަމަށެވެ. ރާއްޖޭގައި ލޯކަލް ޓުވަރިޒަމްވެސް މިއަދު ފުޅާވެ އަތޮޅު ތެރެއަށްވެސް އެހެން ދީންތަކުގެ ފަތުރުވެރިން ދިޔަ ނަމަވެސް އެމީހުންނާއިބެހި، އަޚްލާޤީ މިންގަނޑުން ބޭރުން ރައްޔިތުންގެ އަަމަލުތައް ނުފެންނަކަމަށެވެ.
