މޮސްކޯ، ޖޫން 5. /ޓާސް/. ދެކުނު ޑޮނެޓްސްކް ސަރަހައްދުގެ ފަސް ފްރަންޓް ސެކްޓަރަކަށް ހުޅަނގުގެ މަދަދާއެކު ޔޫކްރައިނުންދިން ވަރުގަދަ ހަމަލާއެއް ނާކާމިޔާބު ކޮށްލެވިއްޖެ ކަމަށް ރަޝިޔާގެ ޑިފެންސް މިނިސްޓްރީގެ ރަސްމީ ތަރުޖަމާނު ލެފްޓިނެންޓް ޖެނެރަލް އިގޯރް ވިދާޅުވެއްޖެއެވެ.
"ދުޝްމަނުންގެ މަގުސަދަކީ އެންމެ ނާޒުކު ފްރަންޓް ސެކްޓަރުގައި އަޅުގަނޑުމެންގެ ޑިފެންސް ފަޅާލުން، ދުޝްމަނުންގެ މަސައްކަތްތައް ފުރިހަމަ ނުކުރެވި، ކާމިޔާބެއް ނުލިބުނު،" ކޮނާޝެންކޯވް ފާހަގަކުރެއްވި އެވެ.
ރަޝިޔާގެ އަސްކަރިއްޔާއިން ބުނެފައި ވަނީ ޔޫކްރައިނުން މިދިން ހަމަލާ ނާކާމިޔާބު ކޮށްލުމުގެ ތެރޭގައި ޔޫކްރައިން ސިފައިންގެ 250 މީހުން މަރާލެވިފައިވާ ކަމަށެވެ. އަދި 25 ޓޭންކަރާއި އަސްކަރީ 24 ވެހިކަލް ހަލާކު ކޮށްލެވިފައިވާ ކަމަށެވެ.
ދެކުނު ޑޮނެޓްސްކް ސަރަހައްދުން ރަޝިޔާ ސިފައިން ފައްސާލުމަށް ޔޫކްރައިން ސިފައިން ތައްޔާރު ވަމުން އަންނަތާ އެތައް ދުވަހެއް ވެއްޖެއެވެ. މިކަމަށް ހާއްސަ ތަމްރީންތަކެއް ހަދައި ތަމްރީންތަކުގެ ވީޑިއޯތައްވެސް ޔޫކްރައިނުގެ އަސްކަރިއްޔާއިން ދިޔައީ ދޭތެރެ ދޭތެރެއިން ހާމަ ކުރަމުންނެވެ.
ދެކުނު ޑޮނެޓްސްކަކީ ކުރިން ޔޫކްރައިނުގެ ބާރުގެ ދަށުގައި އޮތް ތަނެކެވެ. މިދިޔަ އަހަރުގެ ފެބްރުއަރީ މަހުން ފެށިގެން ޔޫކްރައިނަށް ރަޝިޔާއިން ދެމުން އަންނަ ހަމަލާތަކުގައި ދެކުނު ޑޮނެޓްސްކް ރަޝިޔާއިން ހިފީ އެތަނަކީ ރަޝިޔާގެ ބައެއް ކަމަށް ބުނެއެވެ.
މިހަމަލާތަކާ ގުޅޭ ގޮތުން ޔޫކްރައިނާއި ޔޫކްރައިނަށް ވާގިވެރިވާ ހުޅަނގުގެ ބާރުތަކުން އަދި މިހާތަަނަށް އެއްޗެއް ބުނެފައެއް ނުވެއެވެ.
