ސަރުކާރުން މި އަހަރު ނިންމާލީ ހުސްވާހަކަދެއްކުމުގައި ކަމަށް ވިދާޅުވެ ކުރީގެ ނައިބް ރައީސް ޑރ. މުހައްމަދު ޖަމީލް އަހުމަދު ސަރުކާރަށް ފާޑުވިދާޅުވެއްޖެއެވެ.
ޖަމީލު މިއަދު ކުރެއްވި ޓްވީޓެއްގައި ވިދާޅުވީ އަހަރެއް ނިންމާލީ ސަރުކާރުން ހުސް ވާހަކަ ދެއްކުމުގައި ކަމަށާއި އެންމެން ހާލުގައި ޖެހިފައިވާ ކަމަށެވެ.
އަދި އެސެޓް ރިކަވަރީގެ ނަމުގައި ހެދި ކޮމިޝަނަށް އަދިވެސް އެއްވެސް އެސެޓެއް ރިކަވައެއް ނުކުރެވޭ ކަމަށާއި އެއްވެސް މަރަކަށް އިންޞާފެއް ވެސް ލިބިފައި ނުވާ ކަމަށް ޖަމީލު ވިދާޅުވިއެވެ. އެގޮތުން ރީތި ނަމުގެ ބަދަލުގައި ރައީސް އިބްރާހިމް މުހައްމަދު ސޯލިހަށް ނެންގެވެން އޮތީ ހުސް "ބްލޭމް" ކަމަށް ޖަމީލު ވިދާޅުވިއެވެ.
