ކްރިމިނަލްކޯޓުގެ ފަނޑިޔާރުކަމަށް ޏ.ފުވައްމުލައް، މާލެގަން، ފެނާތުރު، އާއިޝަތު ނުޒުހާ އައްޔަންކޮށްފިއެވެ.
ހަމައެއާއެކު މިއަދު ވަނީ ގއ.މެޖިސްޓްރޭޓް ކޯޓުގެ މެޖިސްޓްރޭޓް ކަމަށްވެސް ބޭފުޅަކު އައްޔަންކޮށްފައެވެ. މި މަގާމަށް އައްޔަންކޮށްފައި ވަނީ ގއ.ވިލިނގިލި، މުސްތަރީގެ، އައިޝަތު ޝިހާބްއެވެ.
ނުޒުހާ ވަނީ ދިވެހިރާއްޖޭގެ ގައުމީ ޔުނިވާސިޓީން ބެޗްލާ އޮފް ޝަރިއާ އެންޑް ލޯ (ވިތް އޮނާސް) އަދި މާސްޓަރ އޮފް ލޯ ހާސިލްކޮށްފައެވެ.
ކްރިމަނަލް ކޯޓުގެ ލީގަލް އޮފިސަރެއްގެ މަގާމު އަދާކުރައްވަމުން ގެންދެވި ނުޒުހާ ވަނީ ހަތް އަހަރު ދުވަހު މުއްދަތައް ހިދުމަތް ކުރައްވާފައެވެ.
މީގެއިތުރުން އައިޝަތު ޝިހާބްވަނީ ދިވެހިރާއްޖޭގެ ގައުމީ ޔުނިވާސިޓީން ބެޗްލާ އޮފް ޝަރީއާއެންޑް ލޯ ހާސިލު ކުރައްވައިފައެވެ. މި މަގާމަށް އައްޔަން ކުރމުގެ ކުރިން އައިޝަތު ޝިހާބް ހުންނެވީ ގއ.ވިލިނގިލީ މެޖިސްޓްރޭޓް ކޯޓުގެ ލީގަލް އޮފިސަރު ކަމުގެ މަގާމުގައެވެ.
