ސޯމާލިއާގެ ދެކުނުގެ އަވަށެއްގައި ކުޑަކުދިން ކުޅެން ނިކުމެ އުޅޭ ސަރަހައްދެއްގައި ބަހައްޓާފައި ހުރި ހަތިޔާރުތަކެއް ގޮވައި 27 މީހުން މަރުވެ 53 މީހުން ޒަހަމް ވެއްޖެއެވެ.
ސޯމާލިއާގެ ސަރުކާރުގެ ނޫސް އެޖެންސީ "ސޮއްނާ" އިން ރިޕޯޓް ކޮށްފައިވާ ގޮތުގައި އިއްޔެ ހިނގި މިހާދިސާގައި މަރުވި މީހުންގެ ތެރޭގައި ގިނައީ 15-10 ދެމެދުގެ ކުޑަކުދިންނެވެ.
ސޯމިޔާ ސަރުކާރުން ތުހުމަތު ކުރާ ގޮތުގައި މިހަތިޔާރު ތަކަކީ އެގައުމުގައި ހަރަކާތްރެރިވާ ޓެރަރިސްޓް ޖަމާއަތެއް ކަމުގައިވާ އަލް-ޝަބާބް އަތުން އެސަރަހައްދަށް ދޫވެފައިވާ ހަތިޔާރުތަކެވެ.
އަލް-ޝަބާބް ޓެރަރިސްޓް ޖަމާއަތަކީ 2004 ވަނަ އަހަރުން ފެށިގެން ސޯމާލިއާގެ އެކި ސަރަހައްދުތަކުގައި އެގައުމުގެ ސަރުކާރާ ދެކޮޅަށް ގެރިއްލާ ހަނގުރާމަ ކުރަމުން އަންނަ ޖަމާއަތަކެވެ. ވެރިރަށް މޮގަދިޝޫއިން 2011 ވަނަ އަހަރު އަލް-ޝަބާބް ޓެރަރިސްޓް ޖަމާއަތް ބޭރުކޮށްލުމުން އެޖަމާއަތުން ގިނަ ހަމަލާތައް ދެމުން އަންނަނީ ކާރުގައި ބޮން ހަރުކޮށްގެންނާއި ޖާނުން ފިދާވެގެންނެވެ.
