މޮސްކޯ، ޖޫން 10. /ޓާސް/. ހުޅަނގުން ރަޝިޔާއަށް ކުރާ ހަނގުރާމައިގެ ތުހުމަތުތައް ކުރަނީ ރަޝިޔާގެ ކަންބޮޑުވުންތައް އަޑުއަހަން ބޭނުން ނުވާތީ، އެކަން ފޮރުވަން ކުރާ މަސައްކަތެއް ގޮތުގައި ކަމަށް ރަޝިޔާ ސަރުކާރުގެ ތަރުޖަމާނު ދިމިޓްރީ ޕެސްކޯވް ވިދާޅުވެއްޖެއެވެ.
ޕެސްކޯވް މިހެން ވިދާޅުވީ "މޮސްކޯ، ކްރެމްލިން، ޕޫޓިން" ޕްރޮގްރާމަށް ދެއްވި ބަސްދީގަތުމެއްގައެވެ. އަށް ޕަވެލް ޒަރޫބިން އަށް ދިން އިންޓަވިއުއެއްގަ އެވެ. މި ޕްރޮގްރާމް މިހާރު ވަނީ އޭނާގެ ޓެލެގްރާމް ޗެނަލަށް ޕޯސްޓްވެސް ކުރައްވާފައެވެ.
"އެމެރިކާ އާއި ހުޅަނގުގެ ގައުމުތަކުން ރަޝިޔާއަށް އުދުވާނީ ގައުމެއްގެ ތުހުމަތުތައް ކުރަނީ އެމީހުންގެ ސިފަ ބަދަލު ކުރަން. ބޭނުމަކީ ރަޝިޔާގެ ކަންބޮޑުވުންތަކަށް ބީރު ކަންފަތެއް ދިނުން" ޕެސްކޯވް ވިދާޅުވި އެވެ.
ރަޝިޔާއިން އަބަދުވެސް ބުނަމުން ދަނީ މިދިޔަ އަހަރުގެ ފެބްރުއަރީ މަހު ޔޫކްރައިނާ ދެކޮޅަށް ރަޝިޔާއިން ފެށި "އަސްކަރީ އޮޕަރޭޝަން" އަކީ އެމެރިކާ އާއި ހުޅަނގުގެ ބައެއް ގައުމުތަކުގެ މަދަދާއެކު ޔޫކްރައިނުން ރަޝިޔާއަށް ނުރައްކާ ކުރަމުންދާތީ އެކަން ހުއްޓުވުމަށް ހިންގާ އޮޕަރޭޝަނެއް ކަމަށެވެ. ހާއްސަކޮށް ރަޝިޔާގެ ބަނޑުދަށުގައި އޮވެ ނޭޓޯގެ މެމްބަރު ގައުމަކަށް ވުމަށް ޔޫކްރައިނުން ކުރަމުން އަންނަ މަސައްކަތް ހުއްޓާލަން ޖެހޭ ކަމަށް ރަޝިޔާއިން ދަނީ ބުނަމުންނެވެ. އަދި އެމެރިކާ އާއި ހުޅަނގުން ނޭޓޯއާ ގުޅުމުގެ ފުރުސަތު ޔޫކްރައިނަށް ދީގެން ނުވާނެ ކަމަށްވެސް ރަޝިޔާއިން ދަނީ ބުނަމުންނެވެ.
