ޕާކިސްތާނުގެ މަނަވަރު ޓިއްޕޫ ސުލްތާން ރަސްމީ ދަތުރެއްގައި ކޮލަމްބޯގައި ބަނދަރުކޮށްފިއެވެ. ޓިއްޕޫ ސުލްތާނަކީ 134.1 މީޓަރު ދިގު 168 ފަޅުވެރިން ހިމެނޭ މަނަވަރެކެވެ.
ޕާކިސްތާން މަނަވަރު ކޮޅުނބުގައި އޮންނައިރު ލަންކާ ސިފައިން އިންތިޒާމްކުރާ ބައެއް ޕްރޮގްރާމްތަކުގައި ބައިވެރިވާނެއެވެ. އަދި ދެ ގައުމުގެ ކަނޑުގެ ސިފައިންގެ މެދުގައި އެއްބާރުލުން ކުރިއެރުވުމުގެ މަގުސަދުގައި ހަރަކާތްތައް ބާއްވާނެއެވެ.
މި ދަތުރުގައި ލަންކާގެ ބައެއް ޓޫރިސްޓު އެޓްރެކްޝަންތަކަށް ވެސް މަނަވަރުގެ މީހުން ޒިޔާރަތް ކުރާނެ ކަމަށް ބެލެވެ އެވެ.
