ވެގްނަރުގެ ކުލީ ސިފައިންގެ ވެރިޔާ ބަޣާވާތެއް ފެށުމުން މުޅި ދުނިޔޭގެ ގައުމުތަކާއި ޖާސޫސީ އިދާރާތަކުން ދަނީ ރަޝިޔާގެ ހާލަތަށް ފާރަވެރިވަމުންނެވެ.
ކަޒަކިސްތާނުގެ ރައީސް ކަސިމް-ޖޯމާޓް ޓޮކާޔޭވް ވަނީ ރަޝިޔާގައި ގާނޫނާއި ނެގެހެއްޓުމަށް ގޮވާލައްވާފައެވެ. ރަޝިޔާގެ ތާއީދަށްތަކައި ޕުޓިން ވަނީ ޓޮކާޔޭވްއަށް ޝުކުރު އަދާ ކުރައްވާފައެވެ.
ޔޫރަޕިއަން ޔޫނިއަންގެ އެންމެ އިސް ޑިޕްލޮމެޓް ޖޯސެޕް ބޮރެލް ވަނީ ވެގްނަރގެ ކުރިއަރަމުން އަންނަ ބަޣާވާތްތައް މޮނިޓަރ ކުރުމަށް އަންގައި ޔޫރަޕްގައި ކާރިސާއާއި ކުއއްލި ހާލަތަށް އިޖހާބަދޭ ކްރައިސިސް ރެސްޕޮންސް ސެންޓަރެއް ގާއިމްކޮށްފައެވެ.
ޓްވިޓާގައި އޭނާ ފާހަގަކުރެއްވި ގޮތުގައި އީޔޫއިން ޔޫކްރޭނަށް ދޭ ސަޕޯޓް "ކެނޑިނޭޅި ކުރިއަށްގެންދާނެ" އެވެ.
ލެޓްވިއާގެ ބޯޑަރުގައި ސަލާމަތީ ކަންކަން ހަރުދަނާކޮށް، ބަދަލުވަމުންދާ ހާލަތުގެ ސަބަބުން ރަޝިޔާގެ ރައްޔިތުން އެތެރެވުން މަނާކޮށްފައިވާ ކަމަށް ލެޓްވިއާގެ ފޮރިން މިނިސްޓަރު އެޑްގާސް ރިންކެވިޗްސް ވިދާޅުވެއްޖެ އެވެ.
އޭނާ ޓްވިޓާގައި ވިދާޅުވީ "ލެޓްވިއާއަށް ސީދާ ނުރައްކަލެއް ނެތް" ކަމަށާއި ހާލަތު ބަލަމުންދާ ކަމަށެވެ.
