ވެރިކަން ކުރަން ޝައުގުވެރިކަން ނެތް ކަމަށާއި އެފަދަ ފުރުސަތެއް ލިބުނަސް އެކަމުން ސަލާމަތްވާނެ ކަމަށް ވެރިކަން ކުރާ ޕީއެންސީގެ ޗެއަރޕާސަން އަދި ރައްޔިތުން މަޖިލީހުގެ ރައީސް އަބްދުއްރަހީމް ޢަބްދުﷲ ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ޕީއެންސީ ހައުސްގައި ރޭ ނޫސްވެރިޔަކު ކުރި ސުވާލަކަށް ޖަވާބު ދެއްވަމުންނެވެ.
"ދިވެހިރާއްޖޭގެ ވެރިކަމަށް ކުރިމަތިލުމުގެ ވިސްނުމެއް ދުވަހަކު ވެސް ނުގެންގުޅެމޭ. އަދި ކުރިއަށް އޮތްތާގައި ވެސް ނުގެންގުޅޭނަން، ވާދައެއްވެސް ނުކުރާނަން. އަދި އެފަދަ ފުރުސަތެއް ލިބުނަސް އެކަމުން ސަލާމަތްވާނަން. މި ވިސްނުން ދުވަހަކުވެސް ބަދަލެއް ނުވާނެ" އަބްދުއްރަހީމް ވިދާޅުވި އެވެ.
އަބްދުރައްރަހީމަކީ ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ވެރިކަމަށް ހޮއްވައިވައި ދެއްވުމަށް އެންމެ ކުރީސަފުގައި ހުންނަވައިގެން އެންމެ ބުރަކަށް މަސައްކަތް ކުރެއްވި އެއް ސިޔާސީ ލީޑަރުކަން ފާހަގަ ކޮށްލެވެއެވެ. މީގެ ކުރިން ކުރީީގެ ރައީސް އަބްދުﷲ ޔާމީން އަބްދުލް ޤައްޔޫމާއި ކުރީގެ ރައީސް އަލްއުސްތާޛް މައުމޫނު އަބްދުލްޤައްޔޫމުގެ އަރިސް ބޭފުޅެއްގެ ގޮތުގައި އަބްދުއްރަހީމް މަސައްކަތް ކުރެއްވިއެވެ.
