އިސްތިއުފާ ދިނުމަކީ "ބަޣާވާތެއް" ނޫންކަމަށް ވިދާޅުވެ، ދީނީ އިލްމުވެރިޔާގެ ޑރ. މުހައްމަދު އިޔާޒުގެ ބަހުގެ ހަމަލާތަކެއް ރައީސް މުހައްމަދު ނަޝީދަށް އަމާޒުވެއްޖެއެވެ.
އެސިސްޓެންޓް ކަމިޝަނާ އޮފް ޕޮލިސްގެ މަޤާމުގައި ހުންނެވި އަބްދުﷲ ފައިރޫޝް ފުލުހުންގެ ވަޒީފާއިން ރިޓަޔާ ކުރެއްވުމުން އޭނާއަށް ތައުރީފު ކުރައްވައި ދެއްކެވި ވާހަތަކާ ގުޅިގެން ކަމިޝަނާ އޮފް ޕޮލިސް މުހައްމަދު ހަމީދަށް އެމްޑީޕީގެ އިސްސަފުގެ ބައެއް ބޭފުޅުންގެ ނުރުހުމުގެ ބަސްތައް ވަނީ އަމާޒުވެފައެވެ.
ސީޕީ ހަމީދުގެ ޓްވީޓަށް ރައްދު ދެއްވަމުން ދާންދޫ ދާއިރާގެ މެމްބަރު ޔައުޤޫބް އަބްދުﷲ ވިދާޅުވީ ސީޕީގެ ވާހަތަކުން 7 ފެބްރުއަރީގައި ހިނގައިދިޔައީ ބަޣާވާތެއް ނޫންކަމަށް ސިފަވާކަމާށެވެ. ނަމަވެސް ސީޕީގެ ވާހަކަތަކަކީ ދިވެހިންނަށް ބަލައި ގަންނަން އުދަނގޫ ވާހަތަކެއްކަމަށް ޔައުގޫބް ވިދާޅުވިއެވެ.
ޔައުޤޫބުގެ މިވާހަކަތަކަށް ރައްދު ދެއްވަމުން އިޔާޒު ވިދާޅުވީ 7 ފެބުރުއަރީ 2012 ގައި ހިނގައިދިޔަ ކަންތައްތަކާއި ގުޅިގެން ޚާއްސަ ރިޕޯޓެއް އެކުލަވާލައި ވެރިކަން ބަދަކުވި ގޮތް ވަރަށް ސާފުކޮށް އެގެން އޮތް ކަމަށެވެ. ވެރިކަން ބަދަލު ވެފައިވަނީ ރަނގަޅަށް ކަމަށާއި، ރައީސް ނަޝީދު އިސްތިއުފާ ދެއްވާފައިވަނީ އަމިއްލަ ފުޅަށްކަން ރިޕޯޓުން ހާމަވާން އޮތް އިރު، އެޔަށް ބަޢާވާތެކޭ ކިޔޭނެ ހަމަޔަކީ ކޮބައިތޯ އިޔާޒު ވަނީ ސުވާލު އުފައްދަވާފައެވެ.
އިޔާޒް މިފަދައިން ވިދާޅުވާއިރު، ފައިރޫޝް ރިޓަޔާ ކުރެއްވުމާ ގުޅިގެން އެމްޑީޕީގެ އިސް މެމްބަރުންގެ ބަހުގެ ހަމަލާތަކެއް އޭނާއަށް ވަނީ އަމާޒުވެފައެވެ.
