ވަރަޑެރޯ، ޖުލައި 2، /ޓާސް/: ރަޝިޔާ އާއި ކިއުބާއާ ދެމެދު ޝެޑިއުލް ފްލައިޓްތައް ފެށުމަށްފަހު، ރަޝިޔާގެ ފުރަތަމަ ފްލައިޓް މިއަދު ކިއުބާއަށް ޖައްސާފައިވާ ކަމަށް ރަޝިޔާގެ ދައުލުތަކުގެ މީޑިޔާ "ޓާސް" އިން ބުނެފިއެވެ.
"ޓާސް" އިން ބުނެފައި ވަނީ ރަޝިޔާގެ ގައުމީ އެއަރލައިން އެރޯފްލޮޓް ގްރޫޕްގެ މެމްބަރެއް ކަމަށްވާ ރޮސިއާ އެއާލައިންގެ ބޮއިން-777 ފްލައިޓް މޮސްކޯގެ ޝެރެމެޓިއެވޯ އެއާޕޯޓުން ކިއުބާއަށް ދިއުމަށް ގާތްގަނޑަކަށް ތިރީސް ގަޑިއިރު ހޭދަވި އެވެ. މިފްލައިޓް ދަތުރު ކުރީ ފުލް އޮކިއުޕަންސީގައި ކަމަށްވެސް "ޓާސް" އިން ބުނެއެވެ.
ރަޝިޔާ އާއި ކިއުބާއާ ދެމެދު ދަތުރުތައް ކުރުމަށް ހަމަޖެހިފައި ވަނީ ހަފްތާއަކު 2 ދުވަހުއެވެ. އެއީ ބުރާސްފަތި ދުވަހާއި ހޮނިހިރު ދުވަހު އެވެ.
ރޮސިއާގެ ރަސްމީ ތަރުޖަމާނު ސާގޭ ސްޓާރިކޯވް ވިދާޅުވީ "ޓިކެޓަށް އޮތް ޑިމާންޑް ވަރަށް ބޮޑު" ކަމަށާއި ކުރިއަށް އޮތް ތަނުގައި ފްލައިޓްތައް އިތުރު ކުރަންޖެހުމަކީވެސް އެކަށީގެންވާ ކަމެއް ކަމަށެވެ.
